قوعامدىق كولىك باسقارۋ كاتەگورياسى جوق اۆتوبۋس جۇرگىزۋشىسىنە ايىپپۇل سالىندى.
الماتىدا قوعامدىق كولىك جۇرگىزۋشىسىنە ايىپپۇل سالىندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتىدا جول-كولىك وقيعالارىنىڭ الدىن الۋ مەن ونىڭ سالدارىن ازايتۋعا باعىتتالعان “ءقاۋىپسىز جول” رەسپۋبليكالىق ايلىعى وتۋدە.
"ونىڭ ماقساتى – الدىن الۋ جۇمىستارىن جانداندىرۋ جانە جول قوزعالىسىنا قاتىسۋشىلار اراسىندا جول قوزعالىسى قاۋىپسىزدىگى تالاپتارىنىڭ ساقتالۋىنا باقىلاۋدى كۇشەيتۋ، ءتيىستى قوعامدىق ءتارتىپتى، جول قاۋىپسىزدىگىن قامتاماسىز ەتۋ جانە كولىكتەگى جازاتايىم وقيعالاردى ازايتۋ. جولاۋشىلار مەن جۇكتەردى كولىكپەن تاسىمالداۋدى جۇزەگە اسىرۋ بارىسىندا جول قاۋىپسىزدىگىن قامتاماسىز ەتۋدى باقىلاۋعا دا ەرەكشە نازار اۋدارىلاتىن بولادى"، – دەدى الماتى قالالىق پد اكىمشىلىك پوليسيا باسقارماسى باستىعىنىڭ ورىنباسارى بولاتبەك باياتانوۆ.
رىسقۇلوۆ داڭعىلىندا 47ء-شى باعىتتاعى قوعامدىق كولىكتى تەكسەرۋ ءۇشىن توقتاتقان. جۇرگىزۋشىسىندە قوعامدىق كولىك جۇرگىزۋ كاتەگورياسى جوق ەكەنى انىقتالدى.
"ەر ادام ق ر اقبتك-نىڭ 612-بابى 4-بولىگى بويىنشا اكىمشىلىك جاۋاپكەرشىلىككە تارتىلدى. ايىپپۇل سوماسى 93 مىڭ تەڭگەنى قۇرادى. وسى رەتتە ايتا كەتەيىن، ءدال وسى جۇرگىزۋشىگە ءبىر اي بۇرىن قوعامدىق كولىكتى جۇرگىزۋگە قۇقىعى جوق ەكەنى العاش انىقتالعاندا ايىپپۇل سالعان بولاتىنبىز. ءبىراق كورىپ تۇرعانىمىزداي، دۇرىس قورىتىندى شىقپادى. ونىڭ ۇستىنە اۆتوپارك باسشىلىعى دا بۇل زاڭ بۇزۋشىلىقتى جويۋ ءۇشىن ەشقانداي شارا قولدانباي، اۆتوبۋستى جۇرگىزۋگە قۇقىعى جوق جۇرگىزۋشىنى قايتادان جولعا شىعاردى. بۇل جولى اۆتوكاسىپورىن اكىمشىلىگى ق ر اقبتك-نىڭ 619-بابى بويىنشا جاۋاپقا تارتىلدى. ايىپپۇل مولشەرى – 40 اەك"، – دەيدى اۋەزوۆ اۋداندىق پب اكىمشىلىك تاجىريبە ءبولىمىنىڭ باسشىسى باۋكەن بايىمبەتوۆ.
وسى كەزدە جەتىسۋ اۋدانىنىڭ پوليسەيلەرى قالاارالىق جولاۋشىلار تاسىمالىمەن اينالىساتىن اۆتوبۋستاردىڭ تەحنيكالىق جاعدايىن تەكسەردى. رەيد ەلىمىزدىڭ وڭتۇستىك وڭىرلەرىنە تۇراقتى اۆتوبۋستار شىعاتىن بازارلاردىڭ ءبىرىنىڭ اۋماعىندا جۇرگىزىلدى.
"جۇرگىزۋشىلەر تاراپىنان بولعان ۇساق بۇزۋشىلىقتار سول جەردە جويىلدى. ورەسكەل قۇقىق بۇزۋشىلىقتار انىقتالعان جاعدايدا اۆتوبۋس رەيستەن شىعارىلىپ، مامانداندىرىلعان ايىپپۇل تۇراعىنا جەتكىزىلدى. الدىڭعى شەپتەگى قىزمەتتەردىڭ جەكە قۇرامىنا جۇكتەلگەن نەگىزگى مىندەت – جول قوزعالىسى ەرەجەلەرىن بۇزۋ دەرەكتەرىن، جقە تالاپتارىن ەلەمەيتىن جۇرگىزۋشىلەردى انىقتاۋ، جولىن كەسۋ، ورەسكەل بۇزۋشىلىقتاردان باستاپ كولىكتى ماس كۇيىندە جۇرگىزۋ، قارسى باعىتتاعى قوزعالىس جولاعىنا شىعۋ، قاۋىپسىزدىك بەلدىكتەرىن قولدانباۋ، كولىك قۇرالىن جۇرگىزۋ كەزىندە تەلەفونمەن سويلەسۋ، مەملەكەتتىك ءنومىرى جوق كولىك قۇرالىن جۇرگىزۋ، جول-كولىك وقيعاسىنىڭ بەلگىلەرى ايقىن كولىكتەردى انىقتاۋ"، – دەدى ب.باياتانوۆ.