بۇل تۋرالى پرەمەر-مينيستر ءاليحان سمايىلوۆ مالىمدەدى.
بيىل يندۋستريا سالاسىندا 1 ترلن تەڭگەگە 170 جاڭا ينۆەستيسيالىق جوبانى ىسكە قوسۋ جوسپارلانۋدا. بۇل تۋرالى مەملەكەت باسشىسىنىڭ توراعالىعىمەن وتكەن ەلىمىزدىڭ الەۋمەتتىك-ەكونوميكالىق دامۋ ماسەلەلەرى جونىندەگى كەڭەستە پرەمەر-مينيستر ءاليحان سمايىلوۆ مالىمدەدى، دەپ حابارلايدى Almaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
ءاليحان سمايىلوۆ اتاپ وتكەندەي، بيىل ەكونوميكاعا 18،3 ترلن تەڭگە كولەمىندە نەگىزگى كاپيتالعا ينۆەستيسيا تارتۋ مىندەتى تۇر. جالپى قۇنى 28،1 ترلن تەڭگەگە 873 جوبادان تۇراتىن ينۆەستيسيالىق پۋل پىسىقتالۋدا. سونىمەن قاتار رەلوكاسيالاۋ شەڭبەرىندە 24 كومپانيا قازاقستانعا كوشتى، تاعى 43 كومپانيا بويىنشا جۇمىس جالعاسۋدا.
«يندۋستريا سالاسىندا بيىل 1 ترلن تەڭگەگە 170 جوبا ىسكە قوسىلادى. وسىنىڭ ەسەبىنەن 15 مىڭعا جۋىق جاڭا جۇمىس ورنىن اشۋ جوسپارلانۋدا»، – دەپ اتاپ ءوتتى پرەمەر-مينيستر.
ونىڭ ايتۋىنشا، مۇناي-گاز سالاسىندا تەڭىز كەنىشىندە ساعالىق قىسىمدى باسقارۋ جانە بولاشاق كەڭەيتۋ جوبالارىن ىسكە اسىرۋ جالعاسۋدا، 5ء-شى كومپرەسسوردىڭ قۇرىلىسى باستالىپ، قاراشىعاناقتا قۋاتى جىلىنا 4 ملرد تەكشە مەتر بولاتىن تاۋارلىق گازدى دايىنداۋ جوباسى پىسىقتالۋدا.
سونىمەن قاتار قاشاعان كەن ورنىندا جالپى قۋاتى 1 ملرد تەكشە مەتردەن اساتىن گاز وڭدەۋ زاۋىتىنىڭ قۇرىلىسى جالعاسۋدا جانە قۋاتتىلىعى 4 ملرد تەكشە مەتر بولاتىن تاعى ءبىر گاز وڭدەۋ زاۋىتىن سالۋ ماسەلەسى پىسىقتالىپ جاتىر.