شىمكەنت مۇناي وڭدەۋ زاۋىتىنىڭ وندىرىستىك قۋاتىن جىلىنا 6 ملن-نان 12 ملن تونناعا دەيىن ارتتىرۋ جوسپارلانىپ وتىر. بۇل تۋرالى ەلدىڭ الەۋمەتتىك-ەكونوميكالىق ماسەلەلەرى جونىندەگى كەڭەيتىلگەن كەڭەستە ۇكىمەت باسشىسى ءاليحان سمايىلوۆ ايتتى، دەپ حابارلايدى Almaty-akshamy.kz. قازاقپاراتقا سىلتەمە جاساپ.
ءاليحان سمايىلوۆ كومىرسۋتەك شيكىزاتىنىڭ رەسۋرستىق بازاسىن جانە ونى ءارى قاراي وڭدەۋ ءۇشىن وندىرىستىك قۋاتتاردى ۇلعايتۋ بويىنشا شارالار قابىلدانىپ جاتقانىن اتاپ ءوتتى.
«ىشكى نارىقتا جانار-جاعارماي تاپشىلىعىن جويۋ ءۇشىن شىمكەنت مۇناي وڭدەۋ زاۋىتىنىڭ وندىرىستىك قۋاتىن جىلىنا 6 ملن-نان 12 ملن تونناعا دەيىن ارتتىرۋ جوسپارلانىپ وتىر. زاۋىتتى شيكىزاتپەن قامتاماسىز ەتۋ ءۇشىن اتىراۋ – كەڭقياق جانە كەڭقياق – قۇمكول مۇناي قۇبىرلارىن كەڭەيتۋ جوبالارىن جۇزەگە اسىرۋ جوسپارلاندى»، – دەدى پرەمەر-مينيستر.
ونىڭ ايتۋىنشا، بيىل جاڭاوزەن قالاسىندا جالپى قۋاتى 900 ملن تەكشە مەتر بولاتىن جاڭا گاز وڭدەۋ زاۋىتىنىڭ قۇرىلىسى باستالادى. جالپى، گاز سالاسىندا جىلىنا قوسىمشا 4 ملرد تەكشە مەترگە دەيىن گاز الۋعا مۇمكىندىك بەرەتىن زاڭنامالىق نورمالار قابىلداندى.
Cونداي-اق ۇكىمەت باسشىسى مۇناي-حيميا سالاسىندا قۋاتى جىلىنا 319 مىڭ توننا بۋتاديەن جانە باسقا ىلەسپە تاۋارلاردى وندىرۋگە مۇمكىندىك بەرەتىن جوبا ىسكە اسىرىلىپ جاتقانىن ەسكە سالدى. بۇل رەتتە قازىرگى تاڭدا قۋاتى جىلىنا 1،2 ملن توننا بولاتىن پوليەتيلەن ءوندىرۋ بويىنشا جوبالاۋ جۇمىستارى جۇرگىزىلىپ جاتىر. ينۆەستيسيالاردىڭ جالپى كولەمى 8،7 ملرد دوللاردى قۇرايدى.