ق ر وقۋ-اعارتۋ مينيسترلىگىنىڭ ءبىلىم سالاسىندا ساپانى قامتاماسىز ەتۋ كوميتەتىنىڭ مالىمەتىنشە، ءبىلىم ساپاسىن ارتتىرۋ ماقساتىندا ۇلتتىق باعالاۋ جۇيەسىنىڭ جاڭا ۇلگىسى قالىپتاستى.
ول ەلدەگى ءبىلىم ساپاسىنىڭ تولىق كورىنىسىن بىلۋگە جانە ءتۇرلى فاكتورلاردىڭ ىقپالىن ساراپتاۋعا، ەسكەرۋگە مۇمكىندىك بەرەدى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
بيىلعى جىلى قازاقستان رەسپۋبليكاسىنىڭ وقۋ-اعارتۋ مينيسترلىگى بارلىق باعالاۋ قۇرالدارىن جۇيەلەۋ ماقساتىندا ورتا ءبىلىم بەرۋدى باعالاۋدىڭ ۇلتتىق نەگىزىن ازىرلەدى، ول ءتورت قۇرامداس بولىكتى قامتيدى: وقۋشىلاردى باعالاۋ، پەداگوگتەردى باعالاۋ، ءبىلىم بەرۋ ۇيىمدارىن باعالاۋ جانە ءبىلىم بەرۋ جۇيەسىن باعالاۋ.
ورتا ءبىلىمدى باعالاۋدىڭ ۇلتتىق نەگىزى - ەىدۇ ۇسىنىمدارى نەگىزىندە ازىرلەنگەن قۇجات. ول جالپى ىشكى جانە سىرتقى باعالاۋ قۇرالدارىن بىرىكتىرەدى. مىسالى، ءبىلىم الۋشى دەڭگەيىندە: ءفورماتيۆتى جانە جيىنتىق باعالاۋ، قورىتىندى اتتەستاتتاۋ، سونىمەن قاتار مەكتەپتەرگە ارنالعان حالىقارالىق PISA زەرتتەۋىنىڭ ناتيجەلەرى.
«بۇل ءبىلىم بەرۋ پروسەسىنىڭ ءاربىر قاتىسۋشىسىنا - اتا-انادان، وقۋشىدان، پەداگوگتەن باستاپ بارلىق دەڭگەيدەگى باسشىلارعا «نە باعالانادى؟»، «قاشان؟» جانە «نە ءۇشىن؟» ەكەنىن ناقتى تۇسىنۋگە مۇمكىندىك بەرەدى. ياعني، جەتىلدىرىلگەن ءبىلىم ساپاسىن باعالاۋدىڭ ۇلتتىق جۇيەسى وقۋشىلاردىڭ ءبىلىمىن ءبىلىم الۋدىڭ ءار ساتىسىندا باقىلاۋعا، مەكتەپتەر مەن وڭىرلەر بولىنىسىندە ماسەلەلەردى جەدەل انىقتاۋعا جانە شەشۋگە مۇمكىندىك بەرەدى»، - دەيدى قازاقستان رەسپۋبليكاسى وقۋ-اعارتۋ مينيسترلىگىنىڭ ءبىلىم سالاسىندا ساپانى قامتاماسىز ەتۋ كوميتەتىنىڭ باسقارما باسشىسى دينارا ءابىلقانوۆا.
سونىمەن قاتار، مينيسترلىك ءبىلىم بەرۋ ساپاسىن سىرتتاي باعالاۋدىڭ ۇلتتىق قۇرالى – ءبىلىم الۋشىلاردىڭ ءبىلىم جەتىستىكتەرىنىڭ مونيتورينگىن جەتىلدىرۋ بويىنشا جۇمىس جۇرگىزۋدە. قازىرگى ۋاقىتتا ببجم نيدەرلاندىدا RCEC (Research Center for Examination and Certification) حالىقارالىق زەرتتەۋ، سەرتيفيكاتتاۋ ورتالىعىندا اككرەديتتەۋ راسىمىنەن وتۋدە. بۇل ببجم مازمۇنى مەن راسىمدەرىن حالىقارالىق ستاندارتتارعا سايكەس كەلتىرۋگە مۇمكىندىك بەرەدى.
ەستەرىڭىزگە سالا كەتەيىك، قازاقستان التى حالىقارالىق زەرتتەۋلەرگە قاتىسادى: PISA، PIRLS، ICILS، TIMSS، TALIS، مەكتەپتەرگە ارنالعان PISA. بيىلعى جىلى ءبىزدىڭ وقۋشىلارىمىز جاراتىلىستانۋ بويىنشا كورسەتكىشتەرىن 26 ۇپايعا ارتتىرىپ، ماتەماتيكا مەن وقۋدان ءوز ناتيجەلەرىن ساقتاۋ ارقىلى ماتەماتيكا جانە جاراتىلىستانۋ پاندەرى بويىنشا توپ-50-گە ەن