بۇل تۋرالى قازاقستان مۇسىلماندارى ءدىني باسقارماسىنىڭ ءتوراعاسى ناۋرىزباي قاجى تاعان ۇلى باعدارلىق بايانداماسىندا مالىمدەدى، دەپ حابارلايدى Almaty-akshamy.kz ءمۇفتياتتىڭ سايتىنا سىلتەمە جاساپ.
«بيىل ءدىني باسقارما جانىنان عىلىمي-زەرتتەۋ ورتالىعىن اشامىز. اتالعان عىلىمي ورتالىقتى اشۋداعى نەگىزگى ماقسات – ەلىمىزدەگى ءدىني احۋالعا ءتيىستى تالداۋ جاساپ جانە قازاق توپىراعىنان شىققان ءدىن عالىمدارىنىڭ ەڭبەكتەرىن زەرتتەپ، ونى جارىققا شىعارۋ. سونىمەن قاتار قازاق اقىن-جازۋشىلارىنىڭ، جىراۋلارىنىڭ ەڭبەكتەرىندەگى ءدىن تاقىرىپتارىن جيناقتاپ، حالقىمىزعا جەتكىزۋ» دەدى باس ءمۇفتي.