قازاقستاندا بيداي مەن ۇن ەكسپورتىنا ەنگىزىلگەن شەكتەۋلەر الىنىپ تاستالدى

ەلىمىزدە 11،3 ملن گا استىق جينالدى

ءتيىستى بۇيرىققا اۋىل شارۋاشىلىعى ءمينيسترى ەربول قاراشوكەيەۆ قول قويدى. وسىلايشا، قازاقستاننىڭ اۋىل شارۋاشىلىعى تاۋارىن وندىرۋشىلەرى بيداي مەن ۇندى شەتەلگە شەكتەۋسىز ساتا الادى، دەپ حابارلايدى Almaty-akshamy.kz.

ق ر اۋىل شارۋاشىلىعى مينيسترلىگى 2022 جىلعى 14 قىركۇيەكتەن باستاپ بيداي پەن ۇن ەكسپورتىنا شەكتەۋلەردى الىپ تاستادى.

ايتا كەتسەك، بۇعان دەيىن قازاقستاننىڭ ازىق-تۇلىك قاۋىپسىزدىگىن قامتاماسىز ەتۋ ءۇشىن بيداي مەن ۇن ەكسپورتىنا كۆوتا ەنگىزۋ تۋرالى شەشىم قابىلدانعان ەدى.  الايدا، الەمدىك نارىقتاعى جاعداي تۇراقتانعاننان جانە قازاقستانداعى استىق ونىمىنە جاسالعان بولجامنىڭ وڭ كورسەتكىشىنەن كەيىن  ەنگىزىلگەن كۆوتانى الىپ تاستاۋ تۋرالى شەشىم قابىلداندى. 

بۇگىندە رەسپۋبليكانىڭ بارلىق وبلىسىندا  ەگىن جيناۋ ءجۇرىپ جاتىر. اكىمدىكتەردىڭ دەرەكتەرىنە سايكەس، ءقازىر ەلىمىزدە 11،3 ملن گا استىق جينالدى - بۇل جوسپاردىڭ 69،8%.  12 س/گا ورتاشا ونىمدىلىكتە 13،5 ملن توننا استىق باستىرىلدى (2021 جىلى بۇل ۋاقىتتا ورتاشا ونىمدىلىك 8،9 س/گا قۇراعان بولاتىن).