قازاقستانداعى يايب جۇيەسىن جەتىلدىرۋدىڭ ودان ءارى قادامدارى ايقىندالاتىن بولادى
الماتىدا 22-23 قىركۇيەكتە ينفەكسيانىڭ الدىن الۋ جانە ينفەكسيالىق باقىلاۋ جونىندەگى ۇلتتىق كونفەرەنسيا وتەدى، دەپ حابارلايدى Almaty-akshamy.kz.
ءىس-شارانى ق ر دەنساۋلىق ساقتاۋ مينيسترلىگى قازاقستانداعى كولۋمبيا ۋنيۆەرسيتەتىنىڭ قوعامدىق دەنساۋلىق ساقتاۋ مەكتەبى جانىنداعى ICAP ورتالىعىنىڭ فيليالىمەن (ICAP) بىرلەسىپ، "شيەۆرون" كومپانياسىمەن سەرىكتەستىكتە ۇيىمداستىردى.
كونفەرەنسيادا قازاقستاندا ينفەكسيالاردىڭ الدىن الۋ جانە ينفەكسيالىق باقىلاۋ جۇيەسىن (يايب) ىسكە اسىرۋ بويىنشا نەگىزگى ماسەلەلەر ۇسىنىلىپ، تالقىلانادى جانە قازاقستانداعى يايب جۇيەسىن جەتىلدىرۋدىڭ ودان ءارى قادامدارى ايقىندالاتىن بولادى.
ءىس-شاراعا ق ر ءدسم-نىڭ سانيتارلىق-ەپيدەميولوگيالىق باقىلاۋ كوميتەتىنىڭ اۋماقتىق دەپارتامەنتتەرىنىڭ، وڭىرلىك قوعامدىق دەنساۋلىق باسقارمالارىنىڭ وكىلدەرى، مەملەكەتتىك جانە جەكە مەديسينالىق ۇيىمداردىڭ باسشىلارى قاتىسادى.