تەحنولوگيا ءبىر ورىندا تۇرمايدى
قازاقستان الەمدىك كيبەرقاۋىپسىزدىك رەيتينگىندە 31-ورىندا. بۇل ايتارلىقتاي جاقسى كورسەتكىش. سەبەبى 2015 جىلى ەلىمىز اقپاراتتىق جۇيەلەردىڭ قورعالۋى بويىنشا 118-ورىندا بولاتىن، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
كيبەرشابۋىلدارعا نەگىزىنەن مەملەكەتتىك ورگاندار جانە بانك جۇيەلەرى ءجيى ۇشىرايدى. «سوندىقتان كيبەرقالقان جاساۋمەن قاتار كومپيۋتەرلىك باعدارلامالاردىڭ ءالسىز تۇستارىن دەر كەزىندە انىقتاۋ ماڭىزدى»، - دەيدى الماتىدا ءوتىپ جاتقان كيبەرقاۋىپسىزدىك جونىندەگى حالىقارالىق كونفەرەنسياعا قاتىسۋشىلار.
ماسەلەن، ءبىر جىلدا ەلىمىزدىڭ اقپاراتتىق جۇيەلەرىندە ءبىر جارىم مىڭعا جۋىق وسالدىق انىقتالعان. حاكەرلەر مالىمەتتەردىڭ تاراپ كەتۋ جولدارىن كورسەتتى. وسىعان بايلانىستى 2020 جىلى رەسپۋبليكادا «قازاقستاننىڭ كيبەرقالقانى» تۇجىرىمداماسى قابىلدانعان بولاتىن. دەگەنمەن، تەحنولوگيا ءبىر ورىندا تۇرمايدى. حالىقارالىق كونفەرەنسياعا قاتىسۋشىلار كيبەرشابۋىلدان ساقتانۋدىڭ جاڭا جولدارىن تالقىلاپ، ەلەكتروندى جۇيەلەردى قورعاۋ بويىنشا مامانداردى جاڭاشا ادىسپەن دايىنداۋ تۋرالى ويلارىن ورتاعا سالدى.
«جاس ماماندار كيبەرقاۋىپتىڭ الدىن الۋدى، جۇيەنى بۇزۋدى مەڭگەرۋى ءتيىس. ولار قاتارداعى جاۋىنگەر سياقتى بولۋى كەرەك. كيبەرقالقان – بۇل تەك انتيۆيرۋس، سەرۆەر عانا ەمەس. كيبەرقاۋىپسىزدىك ءۇشىن ميللياردتاعان قارجى جۇمساعانمەن، ەگەر بىلىكتى مامان جوق بولسا، ءبارى بەكەر. بۇگىنگى حالىقارالىق كونفەرەنسيا جاس ماماندار ءۇشىن تاپتىرماس تاجىريبەلىك ورتا دەر ەدىم»، - دەيدى كيبەرشابۋىلداردى تالداۋ جانە تەرگەۋ ورتالىعىنىڭ پرەزيدەنتى ولجاس ساتييەۆ.
«قازاقستاننىڭ كيبەرقالقانى» تۇجىرىمداماسىنا تالداۋ جاساعاندا اقپاراتتىق قاۋىپسىزدىك ماماندىعى بويىنشا 60-قا جۋىق ءبىلىم گرانتى بولىنگەن بولاتىن. 4 جىلدىڭ ىشىندە ول بىرنەشە ەسەگە ءوستى. ءقازىر 2400 گرانت بولىنەدى. الداعى جىلدارى ونى 10 مىڭعا جەتكىزۋدى جوسپارلاپ وتىرمىز. ەلىمىزدىڭ اقپاراتتىق جۇيەلەرى لايىقتى قورعالعان. بىرىككەن ۇلتتار ۇيىمىنىڭ رەيتينگى مەملەكەتتىڭ كيبەرقاۋىپسىزدىك ءۇشىن بارلىق قاجەتتى شارالاردى قابىلداپ جاتقانىن دالەلدەيدى»، - دەيدى ق ر ءسدياوم اقپاراتتىق قاۋىپسىزدىك كوميتەتى ءتوراعاسىنىڭ ورىنباسارى تالعات مۇستاعۇلوۆ.