قازاقستاندا بەنزين ءوندىرىسى ارتتى، ال جانارماي باعاسى سالىستىرمالى تۇردە كوتەرىلگەن جوق.
2024 جىلدىڭ قاڭتارىنان تامىزىنا دەيىن قازاقستان 3،5 ملن توننا بەنزين ءوندىرىلىپتى. سالىستىرمالى تۇردە وتكەن جىلدىڭ وسى كەزەڭىنە قاراعاندا 1،8%-عا ارتىق ءونىم وندىرىلگەن. بۇل تۋرالى Energyprom.kz دەرەكتەرىنە سىلتەمە جاساپ aqshamnews.kz حابارلايدى.
بەنزين وندىرەتىن ورىنداردىڭ نەگىزگى بولىگى ءۇش ايماقتا شوعىرلانعان: شىمكەنت، اتىراۋ جانە پاۆلودار وبلىستارى. شىمكەنت 1،3 ملن توننا، اتىراۋ 1،2 ملن توننا، ال پاۆلودار شامامەن 980 مىڭ توننا ءونىم وندىرگەن.
2024 جىلدىڭ تامىزىندا بەنزين باعاسى وتكەن جىلمەن سالىستىرعاندا 0،8%-عا وسكەن. اي-98 13،1%-عا قىمباتتاسا، اي-95/اي-96 - 5%-عا كوتەرىلگەن. ال اي-92 باعاسى وزگەرىسسىز قالدى. وزگە وڭىرلەرگە قاراعاندا باتىس قازاقستان وبلىسىندا بەنزين قۇنى جوعارى كوتەرىلگەنى بايقالادى. مۇندا بەنزين 2،8%-عا قىمباتتاعان.
قازاقستاننىڭ ورتاشا ايلىق جالاقىسىنا 1 200 ليتر بەنزين ساتىپ الۋعا بولادى. بۇلاي سالىستىراتىن بولساق، الەمنىڭ 97 ەلىنىڭ اراسىندا 32ء-شى، ال تمد ەلدەرى اراسىندا ءبىرىنشى ورىنعا قويادى. رەسەيدە ورتاشا جالاقىعا 953 ليتر، ءازىربايجاندا - 703 ليتر، بەلارۋستا - 696 ليتر بەنزين ساتىپ الۋعا بولادى. وزبەكستاندا بۇل كورسەتكىش 442 ليتر، مولدوۆادا - 434 ليتر، ارمەنيادا - 433 ليتر، ال ۋكراينادا تەك 301 ليتر.
تمد ەلدەرىندەگى ەڭ قىمبات بەنزين مولدوۆا مەن ارمەنيادا - ءليترى شامامەن 1،4 دوللار، ۋكراينادا - 1،3 دوللار. ەڭ ارزان بەنزين بەلارۋس، ءازىربايجان جانە رەسەيدە - شامامەن 0،6 دوللار، ال قازاقستاندا - شامامەن 0،5 دوللار.
جالپى العاندا، قازاقستان تمد ەلدەرى اراسىندا بەنزيننىڭ ساتىپ الۋ قابىلەتى بويىنشا كوشباسشىلىقتى ساقتاپ كەلەدى.