بۇگىنگى تاڭدا نەگىزگى ءداندى داقىلدار بويىنشا 13،6 ملن گا استام ءداندى جانە بۇرشاقتى داقىلدار جينالدى.
ورتاشا ونىمدىلىگى 14،8 س/گا بولعاندا 20 ملن توننادان استام استىق باستىرىلدى، دەپ حابارلايدى aqshamnews.kz اۋىل شارۋاشىلىعى مينيسترلىگىنىڭ دەرەكتەرىنە سۇيەنىپ.
وسىلايشا، بيداي 10،7 ملن گا القاپتا جينالدى، ونىمدىلىگى 14،2 س/گا كەزىندە 15،2 ملن توننا باستىرىلدى، ارپا - 1،9 ملن گا، ونىمدىلىگى 16،7 س/گا كەزىندە 3،3 ملن توننا باستىرىلدى، س ۇلى - 158،2 مىڭ گا، ونىمدىلىگى 15،8 س/گا كەزىندە 250 مىڭ توننا باستىرىلدى.
اعىمداعى جىلى مايلى داقىلدار 494 مىڭ گا القاپتان جينالدى، ورتاشا تۇسىمدىلىگى 11،5 س/گا 568 مىڭ توننا باستىرىلدى.
95 مىڭ گا القاپتان ونىمدىلىگى 233،8 س/گا بولعان كەزدە 2،2 ملن تونناعا جۋىق كارتوپ جينالدى، كوكونىس داقىلدارى 100،1 مىڭ گا جينالدى، ونىمدىلىگى 248،2 س/گا بولعان كەزدە 2،4 ملن توننادان استام جينالدى.
باقشا داقىلدارى 97،8 مىڭ گا القاپتان جينالدى، ونىمدىلىگى 264،1 س/گا، جالپى ءتۇسىمى 5 ملن توننادان استى.
جيناۋ ناۋقانىنا 149،9 مىڭ تراكتور، 37،6 مىڭ استىق جيناۋ كومباينى، 14،9 مىڭ دەستەلەگىش جانە 195 مىڭ بىرلىك تارتىلعان.
ەستەرىڭىزگە سالا كەتەيىك، كوكتەمگى ەگىس جانە ەگىن جيناۋ جۇمىستارىن جەڭىلدەتىلگەن قارجىلاندىرۋ كولەمى 580 ملرد تەڭگەنى قۇرادى، بۇل وتكەن جىلدارمەن سالىستىرعاندا 3 ەسە كوپ.
ەگىن جيناۋ ناۋقانىن وتكىزۋدىڭ بارلىق ماسەلەلەرى ەرەكشە باقىلاۋدا.