2024 جىلى قازاقستاندا 18-27 جاس ارالىعىنداعى 40 202 ادام مەرزىمدى اسكەري قىزمەتكە شاقىرىلادى. بۇل تۋرالى ۇكىمەتتىڭ 16 اقپانداعى قاۋلىسىنا ەنگىزىلگەن تۇزەتۋلەر جوباسىندا جاريالاندى.
مەرزىمدى اسكەري قىزمەتكە 18-27 جاس ارالىعىنداعى ەر ادامدار شاقىرىلادى، ەگەر ولاردا كەيىنگە قالدىرۋ نەمەسە بوساتۋ قۇقىعى بولماسا. شاقىرۋ بارلىق نەگىزگى قۇرىلىمداردى قامتيدى — قارۋلى كۇشتەردەن باستاپ مەملەكەتتىك كۇزەت قىزمەتىنە دەيىن. جەرگىلىكتى بيلىك ورگاندارى بەلگىلەنگەن مەرزىمدە وسى شاقىرۋلاردى ۇيىمداستىرىپ، وتكىزۋگە مىندەتتى.
ايتا كەتەيىك، بۇعان دەيىن 39 180 ەر ادام اسكەرگە شاقىرىلعان بولسا، بيىل كۇزدە 40 148 ادام اسكەري قىزمەتكە اتتانباق.
كەرەك دەرەك
الەمنىڭ ءارتۇرلى ەلدەرىندە مەرزىمدى اسكەري قىزمەتكە شاقىرىلاتىن ادامدار سانى:
اقش-تا مىندەتتى مەرزىمدى اسكەري قىزمەت جوق، ءبىراق ەر ازاماتتار Selective Service جۇيەسىنە تىركەلۋى ءتيىس. سوڭعى كەزدەرى شامامەن 1،3 ميلليون ادام ەرىكتى نەگىزدە اسكەردە قىزمەت ەتەدى.
2024 جىلى رەسەيدە مەرزىمدى اسكەري قىزمەتكە شامامەن 120 000 ادام شاقىرىلادى. شاقىرۋ كەزەڭدەرى كوكتەمدە جانە كۇزدە وتكىزىلەدى.
وڭتۇستىك كورەيادا 2024 جىلى شامامەن 280 000 ادام مەرزىمدى اسكەري قىزمەتكە شاقىرىلادى. بۇل ەلدە اسكەرگە شاقىرۋ مىندەتتى جانە ونىڭ ۇزاقتىعى شامامەن 18-21 ايدى قۇرايدى.
تۇركيادا 2024 جىلى 100 000-نان استام ادام مەرزىمدى اسكەري قىزمەتكە شاقىرىلۋى جوسپارلانعان. ەر ازاماتتار ءۇشىن مەرزىمدى اسكەري قىزمەت مىندەتتى بولىپ تابىلادى جانە ونىڭ ۇزاقتىعى 6 اي.
يزرايلدە مەرزىمدى اسكەري قىزمەت مىندەتتى جانە ەرلەرگە ارنالعان ۇزاقتىعى 32 ايدى قۇرايدى. 2024 جىلى شامامەن 50 000 ادام اسكەرگە شاقىرىلادى.
فينليانديادا مەرزىمدى اسكەري قىزمەت مىندەتتى جانە ونىڭ ۇزاقتىعى 6-12 ايدى قۇرايدى. جىل سايىن شامامەن 20 000 ادام اسكەرگە شاقىرىلادى.