بۇل ءفيلمدى ق ر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق تۇسىرگەن.
ناۋرىزدىڭ 18-25 ارالىعىندا وتەتىن 26-شى حالىقارالىق كەرالا كينوفەستيۆالىنىڭ «الەمدىك كينو» باعدارلاماسى شەڭبەرىندە «مۇقاعالي» كوركەم ءفيلمى ءۇندىستاندا كورسەتىلەدى، دەپ حابارلايدى Almaty-akshamy.kz
«قازاقفيلم» كينوستۋدياسىنىڭ باسپا ءسوز قىزمەتى ءمالىم ەتكەندەي، بەلگىلى قازاقستاندىق رەجيسسەر بولات قالىمبەتوۆ تۇسىرگەن «مۇقاعالي» كوركەم ءفيلمى ءۇندىستاندا ناۋرىزدىڭ 18-25 ارالىعىندا وتەتىن 26-شى حالىقارالىق كەرالا كينوفەستيۆالىنىڭ «الەمدىك كينو» باعدارلاماسى شەڭبەرىندە كورسەتىلەدى. اتالعان بايقاۋدا بەرلين جانە كانن سىندى باسقا دا الەمدەگى بەدەلدى فەستيۆالدەردە جۇلدەلەرگە يە بولعان فيلمدەر ۇسىنىلادى.
ەسكە سالايىق، ق ر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق تۇسىرگەن «مۇقاعالي» ءفيلمى قازاقتىڭ اقيىق اقىنى مۇقاعالي ماقاتايەۆ ءومىرىنىڭ سوڭعى جىلدارى تۋرالى باياندايدى.