ۇلتتىق ستاتيستيكا بيۋروسىنىڭ مالىمدەۋىنشە، ءبىر جىلدا (2023 جىلعى اقپان 2022 جىلعى اقپانعا قاراعاندا) پاتەرلەردى قايتا ساتۋ باعاسى 13%، جاڭا تۇرعىن ۇيلەردى ساتۋ 14% ءوستى، دەپ حابارلايدى اlmaty-akshamy.kz Zakon.kz-كە سىلتەمە جاساپ.
ال اباتتاندىرىلعان تۇرعىن ءۇيدى جالعا الۋ تولەمى وتكەن جىلعى وسى كەزەڭمەن سالىستىرعاندا 2023 جىلعى اقپاندا 33،8% ارتتى.
وڭىرلەر بولىنىسىندە جاڭا ۇيلەر نارىعىندا باعا جىلدىق ماندە اقتوبە (25،4%) جانە اقتاۋ قالالارىندا (25،2%) ەداۋىر قىمباتتادى.
پاتەرلەردى قايتا ساتۋ نارىعىنداعى باعا ءوسىمى:
- سەمەي – 41%؛
- قىزىلوردا – 39،9%؛
- اقتوبە – 36،9%؛
- اقتاۋ – 35،4%؛
- قوستاناي – 30،9%.
-
تۇرعىن ءۇيدى جالعا الۋ بويىنشا:
- كوكشەتاۋ – 53،7%؛
- قوستاناي – 51،9%؛
- الماتى – 49،6%؛
- پەتروپاۆل – 49،3%.
ءبىر ايدىڭ ىشىندە (2023 جىلعى اقپان 2023 جىلعى قاڭتارعا قاراعاندا) جاڭا تۇرعىن ءۇيدى ساتۋ باعالارى – 0،3%، پاتەرلەردى قايتا ساتۋ 0،4% ءوستى.
اباتتاندىرىلعان تۇرعىن ءۇيدى جالعا الۋ الدىڭعى ايمەن سالىستىرعاندا قاڭتاردا 0،2% ءوستى.