قازاقستاندا باقىلاۋعا الىناتىن ەسىرتكىلىك زاتتاردىڭ ءتىزىمى كوبەيدى

ۇكىم 2023 جىلدىڭ 7 ساۋىرىنەن باستاپ كۇشىنە ەنەدى.

ق ر ۇكىمەتىنىڭ 2023 جىلعى 20 ناۋرىزداعى قاۋلىسىمەن قازاقستان رەسپۋبليكاسىندا باقىلاۋعا جاتاتىن ەسىرتكى قۇرالدارىنىڭ، پسيحوتروپتىق زاتتار مەن پرەكۋرسورلاردىڭ تىزبەسىنە وزگەرىستەر مەن تولىقتىرۋلار ەنگىزىلدى، دەپ حابارلايدى Almaty-akshamy.kz

سونىمەن، كاننابيس (كەنسورا) كەپتىرىلگەن جانە كەپتىرىلمەگەن تۇردە ەسىرتكىگە جاتاتىنى كورسەتىلگەن.

«ەسىرتكى» بولىمىنە يزوتونيتازەن، كروتونيلفەنتانيل، سيكلوپروپيلفەنتانيل، اكريلويلفەنتانيل (اكريلفەنتانيل)، فۋرانيلفەنتانيل، تەتراگيدروفۋرانيلفەنتانيل، U-47700، MT-45، AH-7921 قوسىلدى.

«پسيحوتروپتى زاتتار» ءبولىمى ەتيزولام، ترامادول، كەتامينمەن تولىقتىرىلدى.

پرەكۋرسورلاردىڭ ءتىزىمى دە جاڭا رەداكسيادا ۇسىنىلعان. زاڭسىز اينالىمنان تابىلعان ەسىرتكى قۇرالدارىنىڭ، پسيحوتروپتىق زاتتاردىڭ، ولاردىڭ انالوگتارى مەن پرەكۋرسورلارىنىڭ جىكتەلۋى بويىنشا جيىنتىق كەستەگە ۇساق، ءىرى جانە اسا ءىرى كولەمدەگى تولىقتىرۋلار ەنگىزىلدى.

جاڭا باسىلىمدا «ەسىرتكى، پسيحوتروپتىق زاتتار مەن پرەكۋرسورلارعا جاتقىزىلعان وسىمدىكتەردى زاڭسىز ءوسىرۋ كولەمدەرى» كەستەسى بەرىلگەن.