قازاقستاندا بايلىققا سالىق سالىناتىن بولدى

قارجى مينيسترلىگى بايلىق سالىعىن ەنگىزۋ جوسپارى تۋرالى ايتتى، Almaty-akshamy.kz

قارجى مينيسترلىگى بايلىققا سالىق سالۋ ماسەلەسى ۇلتتىق ەكونوميكا مينيسترلىگى سايتىندا پىسىقتالاتىنىن ءتۇسىندىردى.

«نەگىزىنەن، قۇنى جوعارى ليۋكس مودەلدى اۆتوكولىك قۇرالدارىنا، مىسالى، Aston Martin، Bentley، Ferrari، Lamborghini، Maserati (بەلگىلەنگەن تىزبە بويىنشا)، ونىڭ قۇنىنا (بەلگىلەنگەن شەكتەن جوعارى) جانە شىعارىلعان جىلىنا قاراي كولىك قۇرالدارى سالىعىنىڭ مولشەرلەمەلەرىنە كوەففيسيەنتتەر ەنگىزۋ جولىمەن جانە تىركەۋ الىمىنىڭ مولشەرلەمەسىن ارتتىرۋ ارقىلى جوعارى سالىق سالۋ ماسەلەسىن قاراۋ ۇسىنىلادى. بۇل رەتتە مۇنداي اۆتوكولىكتەر بويىنشا بارلىق جەڭىلدىك الىپ تاستالۋى ءتيىس»، - دەپ ءتۇسىندىردى مينيسترلىكتىڭ باسپا ءسوز قىزمەتى.

سونداي-اق قىمبات زاتتار رەتىندە رەسپۋبليكالىق ماڭىزى بار قالالاردا، وبلىس ورتالىقتارىندا، كۋرورتتىق ايماقتاردا ورنالاسقان ۇشاقتاردىڭ جەكەلەگەن سىنىپتارىن، ياحتالاردى جانە جىلجىمايتىن مۇلىكتى قوسۋ جوسپارلانعان.

سونىمەن قاتار اۋماققا بايلانىستى، مىسالى، اۋدانى 300 شارشى مەتردەن اساتىن پاتەرلەر، تۇرعىن ۇيلەر، 400 شارشى مەتردەن اساتىن ساياجايلارعا بايلانىستى مۇلىك سالىعىن ارتتىرۋ كوەففيسيەنتتەرىن ەنگىزۋ جوسپارلانادى.