سەكتورداعى قىزمەتتەردىڭ ۇشتەن بىرىنەن استامى مادەني استانا - الماتىنىڭ ەنشىسىندە.
2021 جىلدىڭ ءۇش توقسانىنىڭ قورىتىندىسى بويىنشا، قازاقستان رەسپۋبليكاسىندا جوعارى ءبىلىم سالاسىنداعى قىزمەت كورسەتۋ كولەمى 278،9 ملرد تەڭگەگە جەتتى، بۇل ءبىر جىل بۇرىنعىمەن سالىستىرعاندا 9،3%-عا ارتىق، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
بۇل قارجىنىڭ 36،5%-ى الماتى قالاسىنا تيەسىلى: ياعني، 101،8 ملرد تەڭگە، جىلدىق ءوسىمى 13،5%. وسى سالاداعى ۇزدىك وڭىرلەر ۇشتىگىنە ەلوردا (63،2 ملرد تەڭگە) مەن شىمكەنت (19،8 ملرد تەڭگە) كىرەدى.
سالا بويىنشا قىزمەت كورسەتۋدىڭ ەڭ تومەن كورسەتكىشى ماڭعىستاۋ وبلىسىندا بەلگىلەنگەن: بار بولعانى 1،3 ملرد تەڭگە.
سالادا كورسەتىلگەن قىزمەتتەردىڭ نەگىزگى كولەمى ءىرى كومپانيالاردىڭ ۇلەسىنە ءتيدى: 245،9 ملرد تەڭگە، پليۋس جىلىنا 10،2%. شاعىن كاسىپكەرلىك سۋبەكتىلەرى 16،4 ملرد تەڭگەنى (جىل بويىنشا مينۋس 8،7%)، ورتا – 16،6 ملرد تەڭگەنى (پليۋس 17،3%) قۇرادى.
مەنشىك نىساندارى بويىنشا جوعارى ءبىلىم بەرۋ سالاسىنداعى قىزمەتتەردىڭ باسىم بولىگىن جەكە كاسىپورىندار كورسەتكەن: 177 ملرد تەڭگە، پليۋس جىلىنا 53،7%. مەملەكەتتىك كاسىپورىنداردىڭ قىزمەتتەرى ءبىر جىلدا 27،6%-عا، 100،1 ملرد تەڭگەگە دەيىن، شەتەلدىك قىزمەتتەر – 6،2%-عا، 1،8 ملرد تەڭگەگە دەيىن تومەندەدى.
2022 جىلى جوعارى ءبىلىم سالاسىنداعى گرانتتاردىڭ جالپى سانى 10%-عا ارتادى، دەپ حابارلادى ق ر پرەمەر-مينيسترىنىڭ رەسمي سايتى.
تەحنيكالىق باعىتتار بويىنشا گرانتتاردىڭ ۇلەسى 40%-دان 60%-عا دەيىن ۇلعايتىلادى، اۋىلدىق كۆوتا 35%-دى قۇرايدى. قازاقستان رەسپۋبليكاسىنىڭ ءبىلىم جانە عىلىم مينيسترلىگى مەملەكەت باسشىسىنىڭ تاپسىرماسى بويىنشا قازاقستاندا شەتەلدىك بەدەلدى ۋنيۆەرسيتەتتەردىڭ 5 فيليالىن اشادى.