اۆتوكولىك ساتىپ الۋ كەزىندە مامىلەلەردى نوتاريۋستان راستاۋ قايتادان مىندەتتەلدى، دەپ حابارلايدى اlmaty-akshamy.kz ق ر ىىم-گە سىلتەمە جاساپ. بۇل تۋرالى سقو پد اكىمشىلىك باسقارماسىنىڭ باستىعى سەرىك ءالجانوۆ اۆتوكولىكتى تىركەۋدىڭ جاڭا نورمالارىن ءتۇسىندىرۋ بارىسىندا مالىمدەدى.
زاڭنامالىق وزگەرىستەر كولىكتىڭ جەكەلەگەن تۇرلەرىن تىركەۋگە جانە جۇرگىزۋشىلەردى دايارلاۋعا قاتىستى بولدى. رەسپۋبليكا بويىنشا "ا" جانە "ۆ" ساناتتارىنداعى كولىك قۇرالدارىنىڭ قاتىسۋىمەن بولعان اپاتتاردىڭ جيىلەۋىنە بايلانىستى، ەندى اۆتومەكتەپتەردە تولىق وقۋ كۋرسىنان ءوتۋ تالاپ ەتىلەدى.
قازاقستاندىقتاردىڭ ءوتىنىشى بويىنشا جوعارى سۇرانىستىڭ مەملەكەتتىك ءنومىرىن قايتا بەرۋ پروسەسى وڭايلاتىلدى. سونىمەن قاتار، مۇنداي نومىرلەردى جاقىن تۋىستارىنا قايتا رەسىمدەۋگە مۇمكىندىك بەرىلدى.
"جالپى، باستاپقى تىركەۋ پروسەسى مەملەكەتتىك ورگانداردىڭ دەرەكقورلارىن پايدالانۋ ەسەبىنەن جەڭىلدەتىلدى. ەڭ باستىسى: اۆتوموبيلدەردى ساتىپ الۋ-ساتۋ كەزىندە الاياقتىقتان قورعاۋ ءۇشىن مامىلەلەردى نوتاريالدى كۋالاندىرۋ تالابى قايتارىلدى. سونداي-اق، كريميناليستەردىڭ كولىكتى العاشقى تىركەۋ كەزىندە نەمەسە شاناقتى اۋىستىرعان، قايتا جابدىقتاعان جانە كولىك قۇرالىنىڭ ءتۇسى وزگەرگەن جاعدايدا مىندەتتى تۇردە تەكسەرۋى ەنگىزىلەدى. بۇل ساتىپ الۋشىلاردى ۇرلانعان نەمەسە اۋىرتپالىعى بار مۇلىكتى ساتىپ الۋ قاۋپىنەن قورعاۋعا ءتيىس"، – دەپ ءتۇسىندىردى سەرىك ءالجانوۆ.
بۇل وزگەرىستەر اۆتوكولىك ساتىپ الۋ پروسەسىن ءقاۋىپسىز ءارى سەنىمدى ەتۋ ماقساتىندا ەنگىزىلىپ وتىر.