الماتىدا اۋلا تازارتۋ ماسەلەسى بويىنشا قايدا جۇگىنۋگە بولادى؟
بارلىق اۋداندا مەردىگەرلەردى انىقتاۋ جانە قالانىڭ اۋلا اۋماعىن جيناۋ بويىنشا شارتتار جاساسۋ جونىندەگى كونكۋرستىق راسىمدەر اياقتالدى، دەپ حابارلايدى اlmaty-akshamy.kz.
بۇرىن حابارلانعانداي، 2023 جىلى 1 قاڭتاردان باستاپ وكىلەتتىكتەردى ورتالىقسىزداندىرۋ اياسىندا الماتىداعى ۇيىشىلىك اۋماقتاردى جيناۋعا ارنالعان بيۋدجەت اۋداندىق اكىمدىكتەرگە بەرىلدى. بۇل پيك كوپقاباتتى تۇرعىن ءۇيدىڭ اۋلاسىن مۇلدە نەمەسە ساپاسىز تازالاۋىنا بايلانىستى تۇرعىندار تاراپىنان شاعىمنىڭ كوپتىگىنەن كەيىن قابىلدانعان شەشىم.
بۇل رەتتە، جۇرگىزىلەتىن جۇمىستىڭ ساپاسىن ارتتىرۋ ماقساتىندا مەردىگەر ۇيىمدارمەن شارت بىردەن 3 جىلعا جاسالادى. جالپى، بيىل 4064 اۋلانى تازالاۋعا 10،5 ملرد تەڭگە ءبولىندى.
اۋماقتاعى ۋچاسكەنىڭ تازالىعىن ساقتاۋ، قالا تۇرعىندارى مەن قوناقتارىنىڭ ەسكەرتۋلەردى جويۋ جونىندەگى وتىنىشىنە ۋاقىتىلى جاۋاپ بەرۋ – مەردىگەرلىك ۇيىمنىڭ مىندەتى.
اۋداندىق اكىمدىك كوممۋنالدىق شارۋاشىلىق ءبولىمىنىڭ قىزمەتكەرلەرى كۇن سايىن جۇرگىزىلىپ جاتقان جۇمىستارعا مونيتورينگ جۇرگىزىپ، اۋدان تۇرعىندارىنىڭ ءوتىنىشىن قاراۋ بويىنشا باقىلاۋ جۇرگىزەدى.
اۋلا تازالاۋدىڭ ساپاسى ماسەلەسى بويىنشا اۋدان اكىمدىكتەرىنىڭ تەلەگرام چاتىنا جۇگىنۋگە نەمەسە مىنا تەلەفون ارقىلى اقپارات الۋعا بولادى:
