ق ر بعم باسپا ءسوز قىزمەتىنىڭ مالىمەتىنشە، وليمپيادانىڭ ەكىنشى كەزەڭى 22 اقپانعا دەيىن جالعاسادى، ءۇشىنشىسى – وبلىستىق كەزەڭ 2022 جىلدىڭ 28 اقپانى مەن 5 ناۋرىز ارالىعىندا وتەدى.
قازاقستاندا جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ اۋداندىق كەزەڭى باستالدى، دەپ حابارلايدى اlmaty-akshamy.kz
بيىل زياتكەرلىك جارىستار العاش رەت ەلەكتروندى فورماتتا ءوتىپ جاتىر. جاڭاشىلدىق وليمپيادالاردىڭ ءوتۋىنىڭ اشىقتىعىن قامتاماسىز ەتۋگە باعىتتالعان. وعان 291 اۋداننان (قالادان) شامامەن 100 مىڭ وقۋشى قاتىسادى.
«وليمپيادالاردىڭ بارلىق كەزەڭى ەلەكتروندى فورماتتا وتەدى. ءبىلىم جانە عىلىم ءمينيسترى ۇبت-نىڭ، وليمپيادالاردىڭ جانە ت.ب. شارالاردىڭ اشىق تۇردە وتۋىنە اسا ءمان بەرەدى. وتكەن جىلى العاش رەت رەسپۋبليكالىق كەزەڭ ەلەكتروندىق فورماتقا كوشىرىلدى. ءبىراق اۋداندىق كەزەڭدى وتكىزۋ كەزىندە زياتكەرلىك سايىستاردىڭ ناتيجەلەرى بويىنشا اتا-انالار تاراپىنان شاعىمدار بولدى، ويتكەنى اۋداندىق جانە وبلىستىق كەزەڭدەر قاعاز تۇرىندە وتكىزىلدى. ول كەزدە قاتىسۋشىلارعا تاپسىرمالارى بار مورلەنگەن كونۆەرت بەرىلدى، بالالار تاپسىرمالاردى داپتەرلەردە ورىندادى. ەندى وقۋشىلار اراسىنداعى رەسپۋبليكالىق وليمپيادانىڭ بارلىق تۋرىن وتكىزۋ پروسەسىنىڭ اشىقتىعى مەن شىنايىلىعىن قامتاماسىز ەتۋ ءۇشىن جارىستار ەلەكتروندىق فورماتتا وتكىزىلەدى. بۇل تاپسىرمالاردىڭ تارالۋ ءقاۋپىن ازايتادى جانە بەلگىلى ءبىر قاتىسۋشىلاردىڭ مۇددەلەرىن قولدايدى. وتكەن جىلى ءبىز حالىقارالىق وليمپيادالاردا مەدال الۋدان رەكورد ورناتتىق. سونداي-اق بۇل - ءادىل ىرىكتەۋدىڭ ناتيجەسىندە قول جەتكىزگەن كورسەتكىش. ءقازىر ءبىز وسى جەتىستىكتەردى ارتتىرۋ ءۇشىن اۋقىمدى جۇمىس اتقارامىز»، – دەپ اتاپ ءوتتى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى تيمۋر نۇركەشوۆ.
جالپى ءبىلىم بەرەتىن پاندەر بويىنشا رەسپۋبليكالىق وليمپيادا پروكتورينگ جۇيەسىن پايدالانا وتىرىپ، «Oqylyq» پلاتفورماسى ارقىلى وتەدى. وقۋشىلارعا تاپسىرمالاردى الۋ ءۇشىن جاۋاپ بلانكىسى، جەكە لوگين جانە پارول بەرىلەدى. وليمپيادا «1 كومپيۋتەر – 1 وقۋشى – 1 كامەرا» ءپرينسيپى بويىنشا وتكىزىلەدى. بۇل رەتتە جارىستاردىڭ بەينەجازباسى جانە تىكەلەي كورسەتىلىمى جۇرگىزىلەدى.
اۋداندىق (قالالىق) كەزەڭنىڭ جەڭىمپازدارى رەسپۋبليكالىق وليمپيادانىڭ كەلەسى وبلىستىق كەزەڭىنە قاتىسادى. ايتا كەتەيىك، ق ر بعم «دارىن» رعپو ەلىمىزدىڭ دارىندى وقۋشىلارىن انىقتاۋ، دامىتۋ جانە كاسىبي قولداۋ سالاسىنداعى فلاگمان بولىپ تابىلادى.
بۇگىندە ورتالىق ءارتۇرلى دەڭگەيدەگى 70-تەن استام پاندىك وليمپيادالاردى ۇيىمداستىرادى جانە وتكىزىپ كەلەدى. وتكەن جىلى قازاقستاندىق وقۋشىلار حالىقارالىق وليمپيادالاردا جەڭىمپاز اتانىپ، قازاقستاننىڭ قورجىنىنا 26 مەدال اكەلدى.
مەملەكەت باسشىسى دارىندى بالالاردى قولداۋ بويىنشا ءتيىستى شارالار قابىلداۋدى تاپسىردى. مينيسترلىك ۇبت تاپسىرماي-اق ءبىرجولعى سىيلىقاقىلار مەن ءبىلىم بەرۋ گرانتتارىن تولەۋدى ۇسىندى.
التىن مەدال يەگەرلەرى 1500 اەك، كۇمىس مەدال 1000 اەك، قولا مەدال 500 اەك كولەمىندە سىياقى الادى. سونداي-اق جەڭىمپازداردى دايىنداعان پەداگوگ-جاتتىقتىرۋشىلارعا دا سىيلىقتار قاراستىرىلعان.