الماتى اكىمى ەربولات دوسايەۆتىڭ وكىمىمەن ق ر پرەزيدەنتى اكىمشىلىگىنىڭ كەلىسىمى بويىنشا الماتى قالاسى اكىمىنىڭ ورىنباسارى بولىپ ءنۇسىپوۆا اسەم بەك قىزى تاعايىندالدى، دەپ حابارلايدى اlmaty-akshamy.kz
اسەم ءنۇسىپوۆا 1975 جىلى 1 مامىردا الماتى قالاسىندا تۋعان، ءال-فارابي اتىنداعى قازاق مەملەكەتتىك ۋنيۆەرسيتەتىنىڭ تۇلەگى، «ەكونوميكا جانە مەنەدجمەنت» ماماندىعى بويىنشا ماگيستراتۋرا مەن اسپيرانتۋرانى بىتىرگەن.
ەڭبەك جولىن 1999 جىلى ءال-فارابي اتىنداعى قازاق مەملەكەتتىك ۋنيۆەرسيتەتىندە اسسيستەنت قىزمەتىنەن باستاعان. 2001 جىلى قازاقستان رەسپۋبليكاسى قاۋىپسىزدىك كەڭەسىنىڭ ەكونوميكالىق قاۋىپسىزدىك ماسەلەلەرى جونىندەگى ءبولىمىنىڭ باس ساراپشىسى بولىپ تاعايىندالدى، 2002-2003 جىلدار ارالىعىندا قازاقستان رەسپۋبليكاسى پرەزيدەنتى اكىمشىلىگىنىڭ جۇيەلى زەرتتەۋلەر ورتالىعى سەكتورىنىڭ مەڭگەرۋشىسى قىزمەتىن اتقاردى.
2003-2005 جىلدارى – قازاقستان رەسپۋبليكاسى قارجى ءمينيسترىنىڭ كەڭەسشىسى، ەۋرازەق حاتشىلىعى جانىنداعى ءبىرىڭعاي ەكونوميكالىق كەڭىستىكتى قالىپتاستىرۋ جونىندەگى ۇيىمداستىرۋ-ساراپتاما توبىنىڭ (قوسا اتقارۋشى بويىنشا) كەڭەسشىسى. سونداي-اق 2005 جىلى قازاقستان رەسپۋبليكاسى پرەمەر-مينيسترىنىڭ كەڭەسشىسى، پرەمەر-مينيستر كەڭەسشىلەرى توبىنىڭ جەتەكشىسى بولدى.
2006 جىلى – قازاقستان رەسپۋبليكاسى پرەمەر-مينيسترى كەڭسەسىنىڭ جيىنتىق تالداۋ ءبولىمىنىڭ مەڭگەرۋشىسى.
2007 جىلدان 2008 جىلعا دەيىنگى كەزەڭدە قازاقستان رەسپۋبليكاسىنىڭ دەنساۋلىق ساقتاۋ ۆيسە-مينيسترى لاۋازىمىندا بولدى، كەيىن 2016 جىلعا دەيىن «قازترانسويل» اق باس ديرەكتورىنىڭ ەكونوميكا جانە قارجى جونىندەگى ورىنباسارى قىزمەتىن اتقاردى.
2016-2019 جىلدار ارالىعىندا اسەم ءنۇسىپوۆا شىعىس قازاقستان وبلىسى اكىمىنىڭ ورىنباسارى بولدى. 2020 جىلى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ جاۋاپتى حاتشىسى لاۋازىمىندا، سوڭعى اتقارعان قىزمەتى - قازاقستان رەسپۋبليكاسى دەنساۋلىق ساقتاۋ ۆيسە-مينيسترى (2020 جىلعى قازاننان 2022 جىلعى اقپانعا دەيىن).