بيىل 13 ميلليون توننادان استام بيداي جيناۋ جوسپارلانعان.
قازاقستاندا ۆەدومستۆوارالىق كوميسسيانىڭ شەشىمىمەن استىق پەن ۇن ەكسپورتىنا شەكتەۋ الىنىپ، مال ەكسپورتىنا كۆوتا بەلگىلەندى، دەپ حابارلايدى Almaty-akshamy.kz Egemen.kz سىلتەمە جاساپ.
ق ر پرەمەر-مينيسترى ورىنباسارى - ساۋدا جانە ينتەگراسيا ءمينيسترىنىڭ مىندەتىن اتقارۋشى سەرىك ءجۇمانعاريننىڭ توراعالىعىمەن سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ (ۆاك) كەزەكتى وتىرىسى ءوتتى. وندا استىق پەن ۇندى ەكسپورتتاۋعا شەكتەۋلەردى الىپ تاستاۋ جانە ءىرى قارا مەن ۇساق مالدى ەكسپورتتاۋعا كۆوتا بەلگىلەۋ جونىندە شەشىمدەر قابىلداندى.
اۋىل شارۋاشىلىعى مينيسترلىگىنىڭ مالىمەتىنشە، قازاقستاندا ءداندى داقىلدار جاقسى جينالادى دەپ كۇتىلۋدە. بيىل 13 ميلليون توننادان استام بيداي جيناۋ جوسپارلانعان، بۇل وتكەن جىلعى كورسەتكىشتەن 12 پايىزعا ارتىق. ىشكى تۇتىنۋ ءۇشىن شامامەن 6،5 ميلليون توننا قاجەت. مۇددەلى مەملەكەتتىك ورگانداردىڭ، «اتامەكەن» ق ر ۇكپ، استىق وداعى، استىق وڭدەۋشىلەر وداعى وكىلدەرىمەن، «شوپان-اتا» ۇلتتىق اگرو-قوزعالىسىنىڭ باسشىسىمەن بيداي مەن مەسليندى، بيداي ۇنىن ەكسپورتتاۋعا ساندىق شەكتەۋلەردى (كۆوتالاردى) الىپ تاستاۋدىڭ ورىندىلىعىن جان-جاقتى تالقىلاۋ قورىتىندىسى بويىنشا، سونداي-اق اشم بولجامى نەگىزىندە استىق پەن ۇن ەكسپورتتاۋعا شەكتەۋلەردى 2022 جىلدىڭ 10 قىركۇيەگىنەن باستاپ الىپ تاستاۋ تۋرالى شەشىم قابىلداندى. ەسكە سالا كەتەيىك، بۇل شەكتەۋ اۋىل شارۋاشىلىعى مينيسترلىگىنىڭ بۇيرىعىمەن 2022 جىلعى 8 شىلدە مەن 30 قىركۇيەك ارالىعىنا ەنگىزىلگەن بولاتىن.
اۋىل شارۋاشىلىعى مينيسترلىگىنە استىق ەكسپورتىنا مونيتورينگ جۇرگىزۋ جانە استىق پەن ۇن ەكسپورتىن ودان ءارى رەتتەۋ ماسەلەسىن پىسىقتاۋ تاپسىرىلدى.
سونداي-اق وتىرىس بارىسىندا انالىق مال باسىن قوسپاعاندا، ءىرى قارا جانە ۇساق قارا مالدى ەكسپورتتاۋعا ساندىق شەكتەۋ (كۆوتالار) بەلگىلەۋ ماقۇلداندى.
ستاتيستيكاعا سۇيەنسەك، 2022 جىلعى 1 تامىزداعى جاعداي بويىنشا، ءىرى قارا مال سانى - 9،4 ميلليون باس، ونىڭ ىشىندە 4،5 ميلليون سيىر، 3،2 ميلليون ءتول بار.
قوشقار ەكسپورتتاۋعا 60 مىڭ باس نەمەسە جالپى مال باسىنىڭ 9 پايىزى، سونداي-اق 120 مىڭ باس توقتى نەمەسە جالپى مال باسىنىڭ 10 پايىزى مولشەرىندە كۆوتا بەلگىلەۋ تۋرالى شەشىم قابىلداندى.
2022 جىلعى 21 قاڭتار مەن 21 شىلدە ارالىعىندا ءىرى قارا جانە ۇساق مالدى ەكسپورتتاۋعا تىيىم سالىنعان بولاتىن.