2025 جىلعى 1 قاڭتاردان باستاپ ارناۋلى الەۋمەتتىك قىزمەتتەر كورسەتۋ جۇيەسى ق ر ەڭبەك جانە حالىقتى الەۋمەتتىك قورعاۋ مينيسترلىگى بەكىتەتىن ارناۋلى الەۋمەتتىك قىزمەتتەر تاريفتەرىن قالىپتاستىرۋ قاعيدالارى مەن ادىستەمەسىنە نەگىزدەلگەن قارجىلاندىرۋدىڭ جاڭا فورماتىنا كوشتى، دەپ حابارلايدى aqshamnews.kz.
بۇل ءااق الۋعا مۇقتاج ازاماتتاردى قامتۋدى كەڭەيتۋگە مۇمكىندىك بەرەدى.
قارجىلاندىرۋدىڭ جاڭا فورماتى، ونىڭ ىشىندە جەكەمەنشىك سەكتور مەن بىلىكتى مامانداردى ءااق كورسەتۋگە تارتۋ ەسەبىنەن باسەكەلەستىكتى دامىتۋ ءۇشىن ەنگىزىلۋدە. بۇل تەتىك ۇيىمدار جۇمىسىنىڭ تيىمدىلىگىن جانە كورسەتىلەتىن قىزمەتتەردىڭ ساپاسىن ارتتىرۋعا ىقپال ەتەدى، بۇل ءوز كەزەگىندە قىزمەتكەرلەردىڭ جالاقى دەڭگەيىنە وڭ اسەر ەتۋى قاجەت.
تاريفتەر ءااق ۇسىناتىن ۇيىمداردىڭ اقپاراتتىق جۇيەلەرىنەن كەلىپ تۇسكەن مالىمەتتەر نەگىزىندە قالىپتاستىرىلاتىن بولادى جانە ەكى قۇرامداس بولىكتى قامتيدى: نەگىزگى جانە قوسىمشا شىعىستار.
ارناۋلى الەۋمەتتىك قىزمەتتەر كورسەتۋگە ارنالعان تاريفتەردى جەرگىلىكتى اتقارۋشى ورگاندار بەكىتەدى.