2025 جىلعى 1 قاڭتاردان باستاپ قازاقستاندا حالىقتى الەۋمەتتىك قورعاۋ سالاسىندا ارناۋلى الەۋمەتتىك قىزمەتتەردى ليسەنزيالاۋ ەنگىزىلدى.
بۇل ولاردى كورسەتۋ ساپاسىن جاقسارتۋعا جاعداي جاسايدى جانە وسى سالاداعى بۇزۋشىلىقتار سانىن ازايتۋعا وڭ ىقپال ەتەدى، دەپ حابارلايدى aqshamnews.kz.
ليسەنزيالاۋدى ەنگىزۋ ارناۋلى الەۋمەتتىك قىزمەتتەر كورسەتۋ جۇيەسىن جاڭعىرتۋ كەزەڭدەرىنىڭ ءبىرى بولىپ تابىلادى جانە ول: كورسەتىلەتىن قىزمەتتەردىڭ ساپاسىن ارتتىرۋعا؛ كورسەتىلەتىن قىزمەتتى الۋشىلاردىڭ قاۋىپسىزدىگى مەن قۇقىقتارىن قورعاۋعا كەپىلدىك بەرۋگە؛ ءااق ۇسىناتىن ۇيىمدار ءۇشىن ءبىرىڭعاي ستاندارتتاردى بەلگىلەۋگە باعىتتالعان.
ارناۋلى الەۋمەتتىك قىزمەتتەر كورسەتەتىن بارلىق مەنشىك نىسانىنداعى ۇيىمدار ليسەنزيالانادى.
ليسەنزيا الۋدىڭ نەگىزگى شارتتارى: سانيتارلىق نورمالار مەن ءورت قاۋىپسىزدىگى ەرەجەلەرىنە سايكەس كەلەتىن ارناۋلى الەۋمەتتىك قىزمەت كورسەتۋگە جارامدى عيماراتتىڭ بولۋى؛ قاجەتتى ماتەريالدىق-تەحنيكالىق بازانىڭ جانە قىزمەتكەرلەر قۇرامىنىڭ بولۋى؛ حالىقتىڭ ءجۇرىپ تۋرۋى شەكتەۋلى توپتارى ءۇشىن عيماراتتىڭ قولجەتىمدىلىگىن قامتاماسىز ەتۋ جانە باسقالار.
2024 جىلدىڭ قازان ايىنان باستاپ ق ر ەحاقم الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ اۋماقتىق دەپارتامەنتتەرى ليسەنزيا الدى تالداۋ جۇرگىزدى، جەرگىلىكتى اتقارۋشى ورگاندارمەن جانە ۇەۇ-مەن بىرلەسىپ، ءااق كورسەتەتىن بارلىق ۇيىمداردى ليسەنزيالاۋعا دايىنداۋ ماسەلەلەرى پىسىقتالدى.
ليسەنزيا الۋعا ءوتىنىم الەۋمەتتىك قىزمەتتەر پورتالى (aleumet.egov.kz) ارقىلى بەرىلەدى.
ليسەنزيالاۋ كورسەتىلەتىن ارناۋلى الەۋمەتتىك قىزمەتتەردىڭ ساپاسىن ارتتىرۋ، مۇگەدەكتىگى بار ادامداردى جانە كورسەتىلەتىن قىزمەتتى الۋشىلاردىڭ وزگە دە ساناتتارىن الەۋمەتتىك وڭالتۋدىڭ تيىمدىلىگىن كوتەرۋ ءۇشىن جاعدايلار جاسايدى، سونداي-اق وسى سالاداعى بۇزۋشىلىقتار سانىن ازايتۋعا وڭ ىقپال ەتەدى