سەيسەنبى كۇنى قىتايدىڭ وڭتۇستىك-باتىسىنداعى سيسزان اۆتونوميالىق اۋدانى، شيگاسزە قالاسىنىڭ دينجي ۋەزىندە ماگنيتۋداسى 6،8 بالدىق جەر سىلكىنىسى تىركەلدى، دەپ حابارلايدى aqshamnews.kz سينحۋا اگەنتتىگىنە سىلتەمە جاساپ.
قىتايدىڭ سەيسمولوگيالىق جەلى ورتالىعىنىڭ مالىمەتىنشە، جەر سىلكىنىسىنىڭ ەپيسەنترى سولتۇستىك ەندىكتىڭ 28،50 گرادۋسى مەن شىعىس بويلىقتىڭ 87،45 گرادۋسىندا، گيپوسەنتر 10 كم تەرەڭدىكتە ورنالاسقان.
جەر سىلكىنىسىنىڭ سالدارىن جويۋ جونىندەگى جەرگىلىكتى شتابتىڭ حابارلاۋىنشا، سەيسەنبى كۇنى ساعات 12:30-داعى جاعداي بويىنشا 52 ادام قازا تاۋىپ، تاعى 62 ادام جاراقات العان. چانسو ەلدى مەكەنىندە ورنالاسقان توڭلاي اۋىلىنداعى ۇيلەر دە قۇلاعان. دينجي وكرۋگىنىڭ باسشىسى جەر سىلكىنىسىنىڭ بۇكىل وكرۋگتە قاتتى سەزىلگەنىن اتاپ ءوتتى.
بۇعان دەيىن گرينۆيچ ۋاقىتىمەن ساعات 01:05-تە نەپالدىڭ لوبۋچە ەلدى مەكەنىندە دە جەر سىلكىنىسى بولعان ەدى.