اعا ۇرپاققا قامقورلىق جاسالىپ جاتىر.
الداعى ۋاقىتتا قازاقستاندا بەلسەندى ۇزاق ءومىر ءسۇرۋ ورتالىقتارىنىڭ سانى ارتۋى مۇمكىن. مۇنداي ورتالىقتاردا قارت ازاماتتارعا ءتۇرلى قىزمەت كورسەتىلىپ كەلەدى، دەپ حابارلايدى Almaty-akshamy.kz
«2021 جىلى قازاقستاننىڭ ءتۇرلى وڭىرلەرىندە جۇمىس ىستەيتىن 30 بەلسەندى ۇزاق ءومىر ءسۇرۋ ورتالىعىندا قارت ازاماتتارعا 40 مىڭنان استام ءتۇرلى قىزمەت كورسەتىلدى. اعا ۇرپاققا، ارداگەرلەر مەن زەينەتكەرلەرگە قامقورلىق جاساۋ، قارت ادامداردىڭ ءومىر ءسۇرۋ ساپاسىن جاقسارتۋ، ولاردىڭ بوس ۋاقىتىن جۇيەلى ۇيىمداستىرۋ، ىشكى شىعارماشىلىق الەۋەتىن ىسكە اسىرۋ ءۇشىن جاعداي جاساۋ، قوعامدىق ومىرگە تارتۋ مەملەكەتتىك ساياساتتىڭ باسىم باعىتتارىنىڭ ءبىرى بولىپ تابىلادى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
بەلسەندى ۇزاق ءومىر ءسۇرۋ ورتالىقتارى «ءبىر تەرەزە» قاعيداتى بويىنشا ءۇش باعىت بويىنشا جۇمىس ىستەيدى: بەلسەندى ۇزاق ءومىر ءسۇرۋ، دەنساۋلىق مادەنيەتى جانە جۇرتشىلىقپەن بايلانىس. ورتالىقتاردىڭ قىزمەتى قارت ادامداردىڭ ءومىر ءسۇرۋ ساپاسىن جاقسارتۋعا باعىتتالعان: ءونىمدى جانە بەلسەندى ۇزاق ءومىر سۇرۋگە ءپاسسيۆتى ءومىر ءسۇرۋ مەنتالدىلىعىن وزگەرتۋ، ونىڭ ىشىندە جۇيەلى بوس ۋاقىتتى ۇيىمداستىرۋ (يوگا، سكانديناۆيالىق ءجۇرىس، IT-ساۋاتتىلىعىن ارتتىرۋ، موتيۆاسيالىق جانە كاسىپكەرلىك كۋرستار، اعىلشىن ءتىلى كۋرستارى جانە ت.ب.).
ورتالىق العاش رەت 2018 جىلى الماتى قالاسىندا اشىلدى.
ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ 2021 جىلعى بۇيرىعىمەن بارلىق وڭىرلەردە بەلسەندى ۇزاق ءومىر ءسۇرۋ ورتالىقتارىن اشۋ كوزدەلگەن اعا بۋىن ازاماتتارىنىڭ جاعدايىن جاقسارتۋ جونىندەگى 2025 جىلعا دەيىنگى «بەلسەندى ۇزاق ءومىر ءسۇرۋ» ءىس-شارالار جوسپارى بەكىتىلدى.
جوعارىدا اتالعان جوسپاردى ىسكە اسىرۋ شەڭبەرىندە وتكەن جىلى 15 ورتالىق اشىلدى، ونىڭ ىشىندە 2 ورتالىق اقتوبە قالاسىندا، قاراعاندى وبلىسىنىڭ بالقاش قالاسىندا، تۇركىستان وبلىسىنىڭ ارىس جانە جەتىساي قالالارىندا، اتىراۋ قالاسىندا، نۇر-سۇلتان قالاسىندا، پاۆلودار قالاسىندا، پەتروپاۆل قالاسىندا، تالدىقورعان قالاسىندا، ءبورلى اۋدانىندا باتىس قازاقستان وبلىسى، اقتاۋ قالاسى، قوستاناي وبلىسى توبىل قالاسى، سەمەي قالاسى جانە شىعىس قازاقستان وبلىسى شەمونايحا اۋدانى پەرۆومايسكيي كەنتى.
جەرگىلىكتى اتقارۋشى ورگانداردىڭ اقپاراتى بويىنشا، 2021 جىلى بەلسەندى ۇزاق ءومىر ءسۇرۋ ورتالىقتارى بويىنشا جوبالاردى ىسكە اسىرۋعا 738 ملن.تەڭگەدەن استام قاراجات جۇمسالدى، 30 ورتالىققا 385 قىزمەتكەر جۇمىلدىرىلدى، 40 مىڭنان استام ءتۇرلى قىزمەت كورسەتىلدى.
قازىرگى ۋاقىتتا رەسپۋبليكا بويىنشا ەلىمىزدىڭ بارلىق وڭىرلەرىندە بەلسەندى ۇزاق ءومىر ءسۇرۋدىڭ 37 ورتالىعى جۇمىس ىستەيدى. جالپى سانىنىڭ 9-ى كوممۋنالدىق مەملەكەتتىك مەكەمەلەر رەتىندە، قالعاندارى – ۇكىمەتتىك ەمەس ۇيىمداردا مەملەكەتتىك الەۋمەتتىك تاپسىرىستى ورنالاستىرۋ ەسەبىنەن اشىلدى.
جەرگىلىكتى اتقارۋشى ورگانداردىڭ اقپاراتى بويىنشا، بۇگىنگى كۇنى ورتالىقتا قىزمەتكەرلەردىڭ جالپى سانى 490 ادامدى قۇرايدى، 2022 جىلى جەرگىلىكتى بيۋدجەتتەردەن بەلسەندى ۇزاق ءومىر ءسۇرۋ ورتالىقتارىنىڭ جوبالارىن ىسكە اسىرۋعا 1،6 ملرد تەڭگە ءبولىندى.
سونىمەن قاتار، «قامقورلىق قورى» كورپوراتيۆتىك قورى ەلىمىزدىڭ ءاربىر وڭىرىندە بەلسەندى ۇزاق ءومىر ءسۇرۋ ورتالىقتارىن اشۋدى قوسىمشا جوسپارلاپ وتىر.