ماس كۇيىندە كولىك تىزگىندەپ العاش رەت ۇستالعان ازامات بىردەن 7 جىلعا جۇرگىزۋشى كۋالىگىنەن ايىرىلادى.
– اكىمشىلىك جازانىڭ جاڭا ءتۇرى ەنگىزىلەدى. ول – قاماق. ونى مىندەتتى تۇردە قولدانادى. جۇرگىزۋشى ماس كۇيىندە العاش رەت ۇستالسا دا، 15 تاۋلىككە قامالادى. جول اپاتى كەزىندە ادامداردىڭ دەنساۋلىعىنا زيان كەلمەسە، ءبىراق ماتەريالدىق شىعىن بولعان جاعدايدا، اكىمشىلىك قاماقتىڭ مەرزىمى 20 تاۋلىككە ۇزارتىلادى. كولىكتى ماس كۇيدە جۇرگىزسە، 7 جىلعا كۋالىگىنەن ايىرىلادى، – دەدى ىشكى ىستەر مينيسترلىگى اكىمشىلىك پوليسيا كوميتەتىنىڭ باسقارما باستىعى اسقار تاجەنوۆ.
ونىڭ ايتۋىنشا، جۇرگىزۋشى كۋالىگىنەن ايىرىلعان ادام ءبىر جىلدىڭ ىشىندە رولگە قايتا وتىرسا، 20 تاۋلىككە قامالىپ، 8 جىلعا كولىك جۇرگىزۋ قۇقىعىنان ايىرىلادى.
ال ماس كۇيدە كولىكتى قايتا تىزگىندەگەندەر 5 جىلعا دەيىن باس بوستاندىعىنان شەكتەلىپ، جۇرگىزۋشى كۋالىگىنەن ءومىر بويىنا ايىرىلۋى مۇمكىن. جول اپاتىنا تۇسسە 8 جىلعا، وقيعا سالدارىنان كىسى ءولىمى تىركەلسە 10 جىلعا دەيىن باس بوستاندىعىنان شەكتەلەدى. مەديسينالىق تەكسەرىستەن باس تارتقان ازامات 8 جىلعا جۇرگىزۋشى كۋالىگىنەن ايىرىلادى. بۇرىن بۇل مەرزىم 3 جىل بولعان ەكەن. تاعى 15 تاۋلىككە قامالۋ قاراستىرىلعان.