قازاقستاندىق جوعارى وقۋ ورىندارىندا وقيتىن شەتەلدىك ستۋدەنتتەردىڭ سانى 30 مىڭعا جەتتى
اسىرەسە، الىس شەتەلدەن كەلگەن ءبىلىم الۋشىلاردىڭ سانى ارتقان، دەپ حابارلايدى Almaty-akshamy.kz قازاقپاراتقا سىلتەمە جاساپ.
ازاماتتارى قازاقستانعا ءبىلىم الۋ ماقساتىندا كەلەتىن مەملەكەتتەردىڭ گەوگرافياسى ايتارلىقتاي كەڭەيدى: اقش، افريكا، رەسەي، سونداي-اق تاياۋ شىعىس ەلدەرىنەن كەلگەن ستۋدەنتتەر سانىنىڭ ءوسىمى بايقالادى. جالپى، ءبىلىم الۋشىلاردىڭ باسىم بولىگى (64%) تمد ەلدەرىنەن كەلگەن.
«قازاقستاندىق ۋنيۆەرسيتەتتەر ءتۇرلى حالىقارالىق ءبىلىم بەرۋ كورمەلەرىنە بەلسەندى قاتىسۋدا. ماسەلەن، وسى جىلدىڭ قاراشا ايىندا بىشكەك (قىرعىزستان) جانە تاشكەنت (وزبەكستان) قالالارىندا «قازاقستاننىڭ ءبىلىم كۇندەرى» ۇيىمداستىرىلدى. وسىلايشا، وزگە ەلدەردىڭ ازاماتتارى ءبىزدىڭ جوعارى وقۋ ورىندارىمىز تۋرالى بىلەتىن بولادى. سونىمەن قاتار ۋنيۆەرسيتەتتەرىمىز شەتەلدىك ستۋدەنتتەرگە ارنايى ءبىلىم گرانتتارىن بولەدى»، – دەپ اتاپ ءوتتى ق ر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.