اۋا رايىنىڭ تۇراقسىزدىعى ساقتالادى.
«قازگيدرومەت» رمك قازاقستاننىڭ 2021 جىلعى 21-23 جەلتوقسانعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz
«21-23 جەلتوقسان ارالىعىندا قازاقستانعا سولتۇستىك-باتىس سيكلونىنىڭ جانە ونىمەن بايلانىستى اتموسفەرالىق فرونتالدى ۋچاسكەلەردىڭ ىقپالى بولادى، اۋا رايىنىڭ تۇراقسىز سيپاتى ساقتالادى، قار جانە جاۋىن-شاشىن بولادى»، - دەلىنگەن حابارلامادا.
ەلىمىزدە تۇمان، كوكتايعاق، سونداي-اق ەكپىندى جەل 15-25 م/س، سولتۇستىك جارتىسىندا بۇرقاسىن كۇتىلەدى.
23 جەلتوقسانعا قاراي قارا تەڭىز ايماقتارىنان انتيسيكلوننىڭ شىعۋىمەن بىرگە اۋا تەمپەراتۋراسىنىڭ تومەندەۋى كۇتىلۋدە: باتىستا تۇندە 8...23 گرادۋس ايازعا دەيىن، كۇندىز 5...15 ايازعا دەيىن، سولتۇستىكتە، شىعىستا جانە ورتالىقتا تۇندە 5...15 ايازعا دەيىن، كۇندىز 0...8 ايازعا دەيىن، وڭتۇستىك جانە وڭتۇستىك-شىعىس جارتىسىندا تۇندە ايازعا دەيىن -5 ... 5 گرادۋس، كۇندىز 0 ... 10 گرادۋسقا دەيىن كۇن سۋىتادى.