جارىسقا قاتىسۋشىلار 9 كاتەگوريادا ب ا ق سىنايدى.
قازاقستاندا العاش رەت 10 شىلدە مەن 6 قىركۇيەك ارالىعىندا پرەزيدەنت جانىنداعى «دارا» دارىندىلاردى قولداۋ قورىنىڭ ۇيىمداستىرۋىمەن مەملەكەتىمىزدىڭ بۇكىل ايماقتارىندا تۋرنيككە تارتىلۋدان سايىس وتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
جوبا جەتەكشىسى - قوعام قايراتكەرى، جاتتىقتىرۋشى جانە اكتەر، Street Workout-تان قازاقستان جانە الەم بويىشا بىرنەشە دۇركىن رەكورد يەسى، Street Lifting بويىنشا ەۋروپا رەكورد يەسى، قازاقستانداعى Street workout قوزعالىسىنىڭ نەگىزىن قالاۋشىلارىنىڭ ءبىرى ايتىم جاقىپوۆ.
Street Workout - كوشەدەگى سپورت الاڭدارىندا ءتۇرلى جاتتىعۋ جاسايتىن كوشە گيمناستيكاسى. قاتىسۋشى كوبىرەك تارتىلعان سايىن جۇلدە جەڭىپ الۋ مۇمكىندىگى ارتا تۇسەدى.
جارىسقا قاتىسۋشىلار سالماعى مەن جاس ەرەكشەلىگىنە قاراي 9 كاتەگوريادا ب ا ق سىنايدى.
سونىمەن قاتار، جارىس رەسمي قازىلار القاسىنىڭ قاتىسۋىمەن وتەدى. ءار قالاداعى 9 كاتەگوريا بويىنشا جەڭىمپازدار نۇر-سۇلتان قالاسىندا وتەتىن گراند-فينالعا قاتىسادى.
جارىس قورىتىندىسى بويىنشا جەڭىمپازدار الەمدىك چەمپيوناتقا جولداما ۇتىپ الادى.