بۇل تۋرالى يندۋستريا جانە ينفراقۇرىلىمدىق دامۋ مينيسترلىگى حابارلادى.
عىلىمي اتاقتى عالىمدار ايدوس ەلشىبايەۆ پەن داۋرەن ەسەنتاي الدى، دەپ حابارلايدى Almaty-akshamy.kz
دوكتورلىق دارەجەنى «قازجولعزي» اق جانە «جولكولىك» قازاق عىلىمي-زەرتتەۋ جانە جوبالاۋ ينستيتۋتىنىڭ وكىلدەرى الدى.
ناۋرىز ايىندا حالىقارالىق ءبىلىم بەرۋ كورپوراسياسىنىڭ بازاسىندا «كولىك قۇرىلىسى» ماماندىعى بويىنشا العاش رەت PhD دوكتورى ديپلومدارى تابىس ەتىلدى. عىلىمي دارەجە قازاقستان جول عىلىمي-زەرتتەۋ ينستيتۋتىنىڭ ۆيسە-پرەزيدەنتى ايدوس ەلشىبايەۆقا جانە «جولكولىك» قازاق عىلىمي-زەرتتەۋ جانە جوبالاۋ ينستيتۋتى مانساپ ورتالىعى ديرەكتورىنىڭ ورىنباسارى داۋرەن ەسەنتايعا بەرىلدى.
ايدوس ەلشىبايەۆ «كولىك قۇرىلىسى» ماماندىعى بويىنشا دوكتورلىق ديسسەرتاسياسىن قورعادى. جاس عالىم، «قازجولعزي» اق ۆيسە-پرەزيدەنتى ءوزىنىڭ عىلىمي جۇمىسىندا اسفالتبەتوندار مەن پوليمەراسفالتبەتونداردىڭ تومەن تەمپەراتۋرالىق سيپاتتامالارى (بەرىكتىگى، بۇزىلۋ دەفورماسياسى، كليماتتىق كەرنەۋ) تاقىرىبىن زەرتتەدى.