مادەنيەت جانە سپورت ءمينيسترىنىڭ مىندەتىن اتقارۋشى اسحات ورالوۆ جاپونياداعى بەدەلدى تۋرنيردە التىن مەدال جەڭىپ العان قازاقستاندىق برەيكدانسەر ءامىر زاكيروۆپەن كەزدەستى، وندا ول تۋرنير يەلەرى مەن اقش بيشىلەرىن تاباندى كۇرەستە جەڭدى، دەپ حابارلادى Elorda.info.
ءمينيستردىڭ مىندەتىن اتقارۋشى سپورتشىنى جەڭىسىمەن قۇتتىقتاپ، وعان العىس حات تابىس ەتتى. كەزدەسۋدە سونداي-اق قازاقستاندىق برەيك-دانستاعى احۋال جانە وسى باعىتتى دامىتۋ ءۇشىن مەملەكەت تاراپىنان كورسەتىلۋى قاجەت قولداۋ ماسەلەلەرى تالقىلاندى. اسحات ورالوۆ حالىقارالىق ارەنادا ەل نامىسىن قورعايتىن وتاندىق سپورتشىلاردى قولداۋدىڭ ماڭىزدىلىعىن مالىمدەدى.
«ەلىمىزدىڭ اتىنان ەڭ جوعارى حالىقارالىق دەڭگەيدە قاتىساتىن سپورتشىلاردى قولداۋ وتە ماڭىزدى، سوندىقتان ءبىز بارلىق ماسەلەلەردى مۇقيات زەرتتەيتىن بولامىز. مۇنداي جەتىستىكتەر، ەڭ الدىمەن، بولاشاق جەڭىستەرگە جانە باعىتتى دامىتۋعا قوسقان ۇلەس. ولار جاس سپورتشىلاردى شابىتتاندىرادى جانە كەڭ اۋديتوريانىڭ نازارىن اۋدارادى. مەن امىرگە جانە ءبىزدىڭ باسقا برەيك-دانسەرلەرگە الداعى ءىرى جارىستاردا ساتتىلىك تىلەيمىن. الدا حانچجوۋداعى ازيا ويىندارى مەن پاريجدەگى وليمپيادا كۇتىپ تۇر، سوندىقتان وسى تۋرنيرلەرگە بارىنشا دايىن بولۋ كەرەك جانە ءوز تاراپىمىزدان قاجەتتى قولداۋ كورسەتەمىز»، — دەپ اتاپ ءوتتى مادەنيەت جانە سپورت ءمينيسترىنىڭ مىندەتىن اتقارۋشى.