بۇل تۋرالى وڭتۇستىك كورەيا پابليكتەرى مەن الەۋمەتتىك جەلىلەردەن بەلگىلى بولدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
Korea Komek مالىمەتىنشە، قازاقستاندىقتار تۇركىستان وبلىسىندا تۋعان.
«2002 جانە 2005 جىلى تۋعان ەكى جىگىت 25 ناۋرىزدا وزبەكستاننان Korea Air اۋەكومپانياسىنىڭ ۇشاعىمەن كورەياعا كەلگەن. قۇجاتتارىنىڭ دۇرىس بولماۋىنا بايلانىستى كەدەن قىزمەتكەرى ولاردى ەلگە كىرگىزبەي، دەپورتاسيانى كۇتۋ زالىنا جىبەرگەن. ولار دەپورتاسيا رەيسىن كۇتۋ كەزىندە، 26 ناۋرىزدا تاڭعى ساعات 4:20 شاماسىندا اۋەجايدىڭ ۇشۋ-قونۋ جولاعى جانىنداعى ءۇش مەترلىك قورشاۋدان اسىپ، قاشىپ كەتكەن»، - دەلىنگەن حابارلامادا.
ەكەۋى دە كىنالارىن مويىنداپ، تۋعان جەرىندە وتباسىن اسىراۋ ءۇشىن جۇمىسقا ۇشىپ كەلگەندەرىن ايتقان. وڭتۇستىك كورەيا پوليسياسى ولاردى شەكارانى زاڭسىز كەسىپ ءوتىپ، قاشىپ كەتتى دەپ ايىپتادى. ءقازىر ەكى ازامات قاماۋدا وتىر.
قوردىڭ قولداۋىمەن ءبىر قازاقستاندىق جاقىندا ەلگە قايتارىلادى.
كورەيا بيلىگىنەن 3 كۇن بويى جاسىرىنىپ، اقىرى ۇستالعان ەكىنشى قازاقستاندىق الداعى 3 ايدى جەرگىلىكتى تۇرمەدە وتكىزەدى. كورەيا زاڭى بويىنشا، قازاقستان ازاماتى 15 جىلعا سوتتالۋى مۇمكىن، ءبىراق ونىڭ ءوز ەركىمەن بەرىلۋى جاۋاپكەرشىلىكتى جەڭىلدەتەتىن جاعداي رەتىندە ەسكەرىلەدى.