ق ر دەنساۋلىق ساقتاۋ ءمينيسترى اقمارال ءالنازاروۆا «EIPICO» ەگيپەتتىك فارماسيەۆتيكالىق كومپانياسى وكىلدەرىمەن كەزدەستى.
تاراپتار قازاقستاندا تولىق سيكلدى بيوفارماسيەۆتيكالىق زاۋىت سالۋ بويىنشا ينۆەستيسيالىق جوبانى تالقىلادى، دەپ حابارلايدى aqshamnews.kz دەنساۋلىق ساقتاۋ مينيسترلىگىنە سىلتەمە جاساپ.
«EIPICO» كومپانياسى 33 ملن اقش دوللارىنا جۋىق قارجىنى ينۆەستيسيالاۋعا دايىن ەكەنىن ناقتىلادى. جوبا اياسىندا قازاقستاندىق ازاماتتار ءۇشىن 200-گە جۋىق جاڭا جۇمىس ورىندارى اشىلادى دەپ كۇتىلۋدە.
زاۋىت قۇرىلىسى سونىمەن قاتار قازاقستاننىڭ فارماسيەۆتيكالىق سەكتورداعى ورنىن كۇشەيتە ءتۇسىپ، ماڭىزدى دارىلىك زاتتار ءوندىرىسىن لوكاليزاسيالاۋعا ىقپال ەتەدى.
كەزدەسۋ ناتيجەسىندە تاراپتار جوبانى جۇزەگە اسىرۋ ماقساتىندا الداعى ىنتىماقتاستىق تۋرالى ۋاعدالاستىققا قول جەتكىزدى.