الەم ۇزدىكتەرى بۋرابايعا جينالدى.
جاستار مەن جاسوسپىرىمدەر اراسىنداعى جارىسقا 41 ەلدەن 800-دەن اسا سپورتشى قاتىسادى. كۇنى كەشە اقمولا وبلىسىنداعى شاڭعى-بياتلون بازاسىندا دۇنيەجۇزىلىك دودانىڭ اشىلۋ سالتاناتى ءوتتى. ال ءقازىر سپورتشىلار جارىس الدىنداعى سوڭعى دايىندىقتى پىسىقتاپ جاتىر. نەگىزگى باسەكەلەردىڭ ءوزى ەرتەڭ باستالادى، دەپ حابارلايدى Almaty-akshamy.kz 24.kz-كە سىلتەمە جاساپ.
ايتۋلى الاماندا ەل نامىسىن 20 بياتلونشى قورعاۋعا مۇمكىندىك الدى. الداعى ۋاقىتتا وسىنداي فورماتتاعى جارىستاردى قازاقستاننىڭ باسقا ايماقتارىندا دا وتكىزۋ جوسپارلانىپ وتىر. بۇل جونىندە مادەنيەت جانە سپورت ءمينيسترى اسحات ورالوۆ حالىقارالىق بياتلونشىلار وداعىنىڭ پرەزيدەنتى وللە دالينمەن كەزدەسۋ بارىسىندا مالىمدەدى. تاراپتار قىسقى سپورت ءتۇرىنىڭ ينفراقۇرىلىمىن قاسلىپتاستىرۋ مەن ونى كەشەندى دامىتۋدىڭ نەگىزگى تەتىكتەرىن تالقىلادى.
«ءبىز جەتىسۋ وبلىسىندا شاڭعى-بياتلون كەشەنىنىڭ قۇرىلىسىن باستاعىمىز كەلەدى. بۇل ەلىمىزدىڭ وڭتۇستىك ايماعى جانە قارى كوپ ەمەس. وسى تۇرعىدا وللە دالين مىرزا حالىقارالىق بياتلونشىلار وداعىنىڭ تاراپىنان ءوز اقىل-كەڭەسىن بەرسە دەيمىز. ياعني، بازا بارلىق تالاپقا ساي بولىپ، وسىنداي الەمدىك المانداردى قابىلداعانىن قالايمىز»، - دەيدى مادەنيەت جانە سپورت ءمينيسترى اسحات ورالوۆ.