جانارماي ءبىر جىلدا 0،1%-عا ارزاندادى
الماتىدا باعالار وتكەن جىلدىڭ دەڭگەيىندە قالدى، دەپ حابارلايدى Almaty-akshamy.kz Energyprom.kz-كە سىلتەمە جاساپ.
قىمباتشىلىق، اسىرەسە، اتىراۋلىقتاردىڭ قالتاسىن قاقتى: مۇنداعى ديزەل وتىنى ءبىر جىلدا بىردەن 44،8%-كە كوتەرىلگەن.
سولتۇستىك قازاقستاندا 39،1% جانە شىعىس قازاقستاندا 37%-كە دەيىن قىمباتتادى. ماڭعىستاۋ جانە قىزىلوردا وبلىستارىندا، سونداي-اق الماتىدا باعالار وتكەن جىلدىڭ دەڭگەيىندە قالدى. ۇلىتاۋ وبلىسىندا ديزەل وتىنى 2،8% - كە ارزاندادى.
بيىلعى قاڭتاردا ەلىمىزدە 494،1 مىڭ توننا بەنزين وندىرىلگەن. بۇل وتكەن جىلمەن سالىستىرعاندا 20،6%-كە ارتىق. قاڭتار ايىندا ديزەل وتىنىن شىعارۋ 13%-عا، 421،8 مىڭ تونناعا دەيىن ءوستى.
ەڭ كوپ بەنزين شىمكەنتتە ءوندىرىلدى: 196،7 مىڭ توننا، ەكىنشى ورىندى پاۆلودار وبلىسى يەلەندى: 155،1 مىڭ توننا. ءۇشىنشى ورىندا اتىراۋ وبلىسى: 141،7 مىڭ توننا ءوندىرىلدى. ديزەل وتىنىن ءوندىرۋ بويىنشا پاۆلودار وبلىسى كوش باستاپ تۇر: 149،1 مىڭ توننا — وتكەن جىلمەن سالىستىرعاندا 11،1%-عا ارتىق. تاعى 148 مىڭ توننا شىمكەنتتە جانە 109،4 مىڭ توننا اتىراۋ وبلىسىندا شىعارىلدى.
جالپى، 2022 جىلدىڭ قاڭتار–جەلتوقسان ايلارىندا ەلىمىزدە 5 ملن توننا بەنزين جانە 5،4 ملن توننا ديزەل وتىنى ءوندىرىلدى. ءوندىرىستىڭ ءوسۋى سايكەسىنشە 3،1% جانە 8،3%-دى قۇرادى. ىشكى نارىقتا ساتۋ جانە ەكسپورت ىشكى نارىقتا بەنزيندى ساتۋ 5 ملن توننانى قۇرادى — 2021 جىلعى قاڭتار–جەلتوقسان ايلارىمەن سالىستىرعاندا 5،7%-عا ارتىق.
وتكەن جىلى جەرگىلىكتى كومپانيالار بەنزينمەن جەرگىلىكتى نارىقتى (ىشكى نارىقتا ساتۋ جانە ەكسپورت) تولىعىمەن قامتاماسىز ەتتى. ەلگە 43،3 مىڭ توننا بەنزين اكەلىندى.
سەكتورداعى بارلىق زاڭنامالىق شەكتەۋلەردى ەسكەرە وتىرىپ، ەكسپورتقا رەسۋرستاردىڭ نەبارى 0،5%-ى نەمەسە 24،2 مىڭ توننا بەنزين جىبەرىلدى - بۇل وتكەن جىلمەن سالىستىرعاندا 76%-عا از. سونىمەن قاتار جەرگىلىكتى كومپانيالار نارىقتى 96،8%-عا قامتاماسىز ەتتى. يمپورت تيىسىنشە 3،2%-عا دەيىن قىسقاردى.