مەملەكەت رەتتەۋشى رەتىندە ارەكەت ەتەدى.
قازاقستان ۇكىمەتى الەۋمەتتىك ماڭىزى بار تاۋارلارعا شەكتى باعا قويۋدى كوزدەپ وتىر. بۇل تۋرالى پرەمەر-مينيستردىڭ ورىنباسارى - ساۋدا جانە ينتەگراسيا ءمينيسترى باقىت سۇلتانوۆ ءمالىم ەتتى، دەپ حابارلايدى Almaty-akshamy.kz Baq.kz سىلتەمە جاساپ.
ءمينيستردىڭ ايتۋىنشا، نارىقتىق ساۋدا جۇيەسىنىڭ نەگىزگى مىندەتى - سورەلەردە ءادىل جانە بولجامدى باعانى بەلگىلەۋ.
«جۇيەنىڭ ماقساتى وندىرىستىك وتكىزۋ تىزبەگىنىڭ بارلىق قاتىسۋشىلارىنا، ياعني تۇتىنۋشىلاردىڭ، ترەيدەرلەردىڭ، تاسىمالداۋشىلاردىڭ جانە ساتۋشىلاردىڭ ورتاق مۇددەسىن ساقتاۋ ەكەنى بارىنە ءمالىم. بۇل قاعيداتتاردىڭ بۇزىلۋى تاۋارلاردىڭ فيزيكالىق قولجەتىمسىزدىگى مەن دۇرلىكپە سۇرانىسقا جانە باعانىڭ وسۋىنە الىپ كەلەدى. مۇنداي جاعدايدا مەملەكەت ارالاسۋعا ءماجبۇر. مەملەكەت رەتتەۋشى رەتىندە ارەكەت ەتەدى. وسى ماقساتتا ۇكىمەت داعدارىسقا قارسى شارالار قابىلداپ، ينفلياسيا دەڭگەيىن تومەندەتۋگە تىرىسادى»، - دەدى باقىت سۇلتانوۆ.
سۇلتانوۆتىڭ سوزىنە قاراعاندا، "ساۋدا قىزمەتىن رەتتەۋ تۋرالى" زاڭ مۇنداي جاعدايدا الەۋمەتتىك ماڭىزى بار ازىق-تۇلىككە شەكتى باعانى قويۋدى، ساۋدا ۇستەمەلەرىن بەلگىلەۋدى جانە ەكسپورتتى شەكتەۋدى كوزدەيدى.
«فيسكالدى شارالاردى كۇشەيتۋ ارقىلى تاۋارلاردىڭ فيزيكالىق قولجەتىمدى بولۋىن قامتۋ جانە ەگىس كەزەڭىندە تۇتىنۋ ءۇشىن قاجەتتى تاۋار كولەمىن بەلگىلى ءبىر ايماقتىڭ فورۆاردتىق ساتىپ الۋىن قامتاماسىز ەتىلمەك»، - دەدى مينيستر «مەملەكەت باسشىسىنىڭ تاپسىرمالارى بويىنشا ازىق-تۇلىك قاۋىپسىزدىگىن قامتاماسىز ەتۋ تۋرالى» تۋرالى ءوتىپ جاتقان باسپا ءسوز ءماسليحاتىندا.