بۇل جوبا ارقىلى الەۋمەتتىك ماڭىزى بار ازىق-تۇلىك باعاسىن باقىلاۋعا بولادى.
قازاقستان ۇكىمەتى الەۋمەتتىك ماڭىزى بار ازىق-تۇلىك باعاسىن باقىلاۋدى قولعا الۋدى جوسپارلار وتىر. وسى ماقساتتا ارنايى پيلوتتىق جوبا ىسكە اسىرالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەلەكتروندى شوت-فاكتۋرالار اقپاراتتىق جۇيەسى نەگىزىندە قازاقستان اۋماعىندا باقىلاناتىن الەۋمەتتىك ماڭىزى بار ازىق-تۇلىك تاۋارلارىن جانە تاس كومىردى اكىمشىلەندىرۋدى جەتىلدىرۋ ءۇشىن پيلوتتىق جوبانى ىسكە قوسۋ جوسپارلانعان. بۇل تۋرالى مەملەكەتتىك كىرىستەر كوميتەتىنە سىلتەمە جاساپ قازاقپارات حابارلايدى.
ينفلياسيانىڭ وسۋىنە، ازىق-تۇلىك ونىمدەرى مەن مۇناي ونىمدەرىنە باعانىڭ وسۋىنە جول بەرمەۋ جونىندەگى شارالار شەڭبەرىندە مەملەكەتتىك كىرىستەر كوميتەتى «ەلەكتروندىق شوت-فاكتۋرالاردىڭ اقپاراتتىق جۇيەسى نەگىزىندە قازاقستان رەسپۋبليكاسىنىڭ اۋماعىندا باقىلاناتىن الەۋمەتتىك ماڭىزى بار ازىق-تۇلىك تاۋارلارىن جانە (نەمەسە) تاس كومىردى اكىمشىلەندىرۋدى جەتىلدىرۋ جونىندەگى پيلوتتىق جوبانى ىسكە اسىرۋ قاعيدالارىن بەكىتۋ تۋرالى» قارجى ءمينيسترى بۇيرىعىنىڭ جوباسىن ازىرلەدى.
وسى بۇيرىقپەن الەۋمەتتىك ماڭىزى بار تاۋارلار مەن كومىردى وتكىزۋ كەزىندە ەلەكتروندىق شوت-فاكتۋرالاردى (ەشف) شىعارۋ بويىنشا سالىق تولەۋشىلەردىڭ مىندەتىن ەنگىزۋ بولىگىندە پيلوتتىق جوبانى 2022 جىلعى 31 جەلتوقسانعا دەيىن ىسكە اسىرۋ كوزدەلەدى.