2022 جىلدىڭ ماۋسىمىندا 2021 جىلدىڭ ماۋسىمىمەن سالىستىرعاندا، ينفلياسيا 14،5% بولدى.
ۇلتتىق ستاتيستيكا بيۋروسىنىڭ دەرەگىنە سايكەس، جىل باسىنان بەرى ەلىمىزدىڭ الەۋمەتتىك ماڭىزى بار ازىق-تۇلىك باعاسى 17،4%-عا قىمباتتادى، دەپ حابارلايدى Almaty-akshamy.kz ەgemen.kz سىلتەمە جاساپ.
19 اتاۋدى قامتيتىن الەۋمەتتىك ماڭىزى بار ازىق-تۇلىك تاۋارلارى 2022 جىلعى 5 شىلدەدەگى جاعداي بويىنشا (جىلدىق ماندە) 17،7%-عا قىمباتتادى. بۇل 2021 جىلعى سايكەس كەزەڭنەن 2،2%-دىق تارماققا جوعارى. وتكەن اپتادا جانە اي باسىنان بەرگى كەزەڭگە الەۋمەتتىك ماڭىزى بار ازىق-تۇلىك تاۋارلارىنا باعالار 0،2%-عا، جىل باسىنان بەرى كەزەڭگە 17،4%عا ءوستى.
سونىمەن قاتار بيۋرو 5 شىلدەدەگى جاعداي بويىنشا الەۋمەتتىك ماڭىزى بار ازىق-تۇلىك تاۋارلارىنىڭ ورتاشا باعاسىن ۇسىندى.
رەسمي دەرەككە سايكەس، ەلىمىزدە ءبىرىنشى سۇرىپتى ۇننىڭ 1 كەلىسى 220 تەڭگە تۇرادى. ءبىراق، ەلوردادا قىمبات – 264 تەڭگە. قازاقستان بويىنشا قۇمشەكەردىڭ ورتاشا باعاسى 1 كەلىسىنە 519 تەڭگە بولسا، ءبىرىنشى سۇرىپتى ۇننان پىسىرىلگەن نان - 188، قاراقۇمىقتىڭ 1 كەلىسى – 501، سارى مايدىڭ 1 كەلىسى – 3 256، 1 ليتر كۇنباعىس مايى - 824، سيىر ەتىنىڭ (ءجاۋىرىن-توس بولىگى) 1 كەلىسى – 2 200، تاۋىق ەتىنىڭ 1 كەلىسى – 1 138، پاستەرلەنگەن ءسۇتتىڭ 1 ءليترى – 307، كارتوپتىڭ كەلىسى – 183، ءسابىز – 206، 10 دانا جۇمىرتقا 369 تەڭگەنى قۇرايدى. 2022 جىلدىڭ ماۋسىمىندا 2021 جىلدىڭ ماۋسىمىمەن سالىستىرعاندا ينفلياسيا 14،5% بولدى.