مايمىل شەشەگىن جۇقتىرعانداردىڭ ەڭ كوبى نيۋ-يوركتە.
اقش-تىڭ 39 شتاتىندا مايمىل شەشەگىن جۇقتىرعان 767 ادام تىركەلدى، دەپ حابارلادى Almaty-akshamy.kz.
اقش-تىڭ اۋرۋلاردى باقىلاۋ جانە الدىن الۋ ورتالىقتارىنىڭ سوڭعى مالىمەتتەرىنە سايكەس، مايمىل شەشەگىن جۇقتىرعانداردىڭ ەڭ كوبى نيۋ-يوركتە – 153، ودان كەيىن كاليفورنيادا – 136 جانە يللينويستە – 91 جاعداي انىقتالعان.
اقش دەنساۋلىق ساقتاۋ جانە حالىققا قىزمەت كورسەتۋ مينيسترلىگى دۇيسەنبىدەن باستاپ ەپيدەميامەن كۇرەسۋ ءۇشىن بەكىتىلگەن ەكى رەتتىك Jynneos ۆاكسيناسىنىڭ 144 مىڭ دوزاسى قالالار مەن شتاتتارعا تاراتىلاتىنىن حابارلادى.
ايتا كەتسەك، امەريكالىق LabCorp مەديسينالىق كومپانياسى سولتۇستىك كاروليناداعى باس زەرتحاناسىندا مايمىل شەشەگىنە ارنالعان سىناقتى باستادى، ول اپتاسىنا 10 مىڭعا دەيىن تەست قابىلداي الادى. بۇل اقش-تىڭ تەستىلەۋ مۇمكىندىگىن ەكى ەسە ارتتىرادى.