قازاقستاندا اەس سالۋدى قولداۋ جونىندەگى حالىقتىق شتابتىڭ aes2024.kz رەسمي سايتى ىسكە قوسىلدى
«AMANAT» پارتياسىنىڭ «TALQYLAU» ديالوگ الاڭىنىڭ وتىرىسىندا اەس سالۋدى قولداۋ جونىندەگى حالىقتىق شتابتىڭ رەسمي سايتى – aes2024.kz تانىستىرىلدى. بۇل سايت الداعى رەفەرەندۋم مەن قازاقستانداعى اتوم ەنەرگەتيكاسىنىڭ دامۋ پەرسپەكتيۆالارى تۋرالى تولىق اقپارات ۇسىنادى.
سايتتا الەمدەگى اتوم ەنەرگەتيكاسىنىڭ تاريحى، اەس سانى، حالىقارالىق تاجىريبەلەر، قاۋىپسىزدىك ستاندارتتارى مەن جاڭا بۋىن رەاكتورلارى جايلى مالىمەتتەر بار. شتابتىڭ مەديا توبىنىڭ جەتەكشىسى باقتيار ماكەن سايتتىڭ حالىقتى اقپاراتتاندىرۋداعى ءرولىن اتاپ ءوتىپ، رەسۋرستىڭ قولجەتىمدى جانە ىڭعايلى ەكەنىن ايتتى.
سايت ءۇش نەگىزگى ايداردى قامتيدى: «جاڭالىقتار»، «اتوم ەنەرگەتيكاسى تۋرالى» جانە «اەس سالۋ بويىنشا». باستى بەتتە رەفەرەندۋمنىڭ كۇنى مەن وتەتىن ورنى كورسەتىلگەن. سونداي-اق، پايدالانۋشىلارعا اەس سالۋدىڭ الەمدىك تاجىريبەسى مەن ءجيى قويىلاتىن سۇراقتار بويىنشا اقپارات ۇسىنىلعان.
ماماندار، سونىڭ ىشىندە «قازاقستاندىق اتوم ەلەكتر ستانسيالارى» ج ش س باس ديرەكتورى تيمۋر جانتيكين جانە يادرولىق تەحنولوگيالار قاۋىپسىزدىگى ورتالىعىنىڭ ديرەكتورى الەكساندر كلەپيكوۆ ءوز پىكىرلەرىمەن بولىسەتىن بولادى.