قازاقستاندا دارىلىك زاتتاردىڭ سيفرلىق تاڭبالاۋ جانە قاداعالاۋ جۇيەسىندەگى دارىلىك اينالىمنىڭ بارلىق قاتىسۋشىلارىنىڭ ينتەگراسياسى اياقتالدى.
بۇگىنگى تاڭدا جۇيەدە 19 وتاندىق تاۋار ءوندىرۋشى، 276 كوتەرمە ساتۋ سۋبەكتىسى، 8000-نان استام ءدارىحانا جانە 1900-دەن استام مەديسينالىق ۇيىم جۇمىس ىستەيدى، دەپ حابارلايدى aqshamnews.kz.
ءىرى ديستريبيۋتورلار تاڭبالانعان پرەپاراتتاردىڭ 60،9 ملن قاپتاماسىن اكەلۋدى جۇزەگە اسىردى، ونىڭ 46 ملن-ى اينالىمعا ەنگىزىلدى. ءدارىحانا ۇيىمدارى 48،4 ميلليون قاپتاما قابىلدادى، ال اينالىمنان شىعارىلعان دارى-دارمەكتەردىڭ سانى 29،2 ميلليون قاپتامانى قۇرادى.
سيفرلىق تاڭبالاۋ ەنگىزىلگەن ساتتەن باستاپ، 2024 جىلعى 1 شىلدەدەن باستاپ وتاندىق ءوندىرىستىڭ 110،4 ملن قاپتاماسى تاڭبالاندى، 76،8 ملن.اينالىمعا ەنگىزىلدى.
بۇل رەتتە ق ر دەنساۋلىق ساقتاۋ مينيسترلىگى دارىلىك زاتتاردى تاڭبالاۋ مەن قاداعالاۋدىڭ اقپاراتتىق جۇيەسىندە (مپت اج) دارى-دارمەكتەردى ۋاقتىلى قابىلداۋ مەن اينالىمنان شىعارۋدىڭ تۇراقتى مونيتورينگىن جۇزەگە اسىرادى.
ماسەلەن، 2025 جىلدىڭ ناۋرىز ايىنىڭ سوڭىنداعى جاعداي بويىنشا مەديسينالىق ۇيىمداردا تاڭبالانعان دارىلىك پرەپاراتتاردىڭ شىعۋ دەڭگەيى 53،2%-دى قۇرادى، بۇل قاڭتار ايىنىڭ سوڭىنداعى كورسەتكىشتەرمەن سالىستىرعاندا 17،1%-عا جوعارى. ءدارىحانا ۇيىمدارىندا تاڭبالانعان دارىلىك زاتتاردىڭ اينالىمىنان شىعارۋ ۇقساس كەزەڭدە 24،3%-عا ءوسىپ، 60،3%-دى قۇرادى.
سونىمەن قاتار، دەنساۋلىق ساقتاۋ مينيسترلىگى تاڭبالاۋ وپەراتورىمەن اينالىمعا قاتىسۋشىلاردى وقىتۋ جانە كونسۋلتاسيا بەرۋ بويىنشا جۇيەلى جۇمىستى، سونداي-اق دارى-دارمەك اينالىمىنىڭ بارلىق كەزەڭدەرىندە باقىلاۋ تيىمدىلىگى مەن اشىقتىعىن ارتتىرۋ ءۇشىن اقپاراتتىق جۇيەلەردىڭ تالدامالىق مودۋلدەرىن جەتىلدىرۋ پروسەسىن جالعاستىرۋدا.
قازاقستاندا بارلىق دارى-دارمەكتەردى مىندەتتى سيفرلىق تاڭبالاۋ 2024 جىلدىڭ 1 شىلدەسىنەن باستاپ ەنگىزىلگەنىن - بۇل شارا كونترافاكتىلىك ونىمدەرمەن كۇرەسۋگە جانە دارى-دارمەكتەر نارىعىنىڭ اشىقتىعىن ارتتىرۋعا باعىتتالعانىن ەستەرىڭىزگە سالا كەتەيىك. 2024 جىلعى قاراشادا تاڭبالاۋ جانە قاداعالاۋ جۇيەسىن ودان ءارى دامىتۋ جونىندەگى جول كارتاسى بەكىتىلدى، وندا جوبانىڭ تەحنيكالىق جانە ۇيىمداستىرۋشىلىق دامۋىنىڭ نەگىزگى باعىتتارى ايقىندالدى.