قاسىم-جومارت توقايەۆ قازاقستاندىقتاردىڭ بۇل جاڭالىقتى وتە جىلى قابىلداعانىن ايتتى.
قازاقستان پرەزيدەنتى قاسىم-جومارت توقايەۆ اقوردادا ەۋروپا وداعىنىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى – ەۋروپالىق كوميسسيانىڭ ۆيسە-پرەزيدەنتى كايا كاللاستى قابىلدادى، دەپ حابارلايدى aqshamnews.kz اقورداعا سىلتەمە جاساپ.
كەزدەسۋ كەزىندە قازاقستاننىڭ ەۋروپا وداعىمەن اراداعى ىقپالداستىقتىڭ بولاشاعى تالقىلاندى. اتاپ ايتقاندا، ەنەرگەتيكا، ونەركاسىپ، سيفرلاندىرۋ، سونداي-اق ترانسكاسپيي حالىقارالىق كولىك ءدالىزىن دامىتۋدى كوزدەيتىن ءىرى ينفراقۇرىلىمدىق جوبالاردى جۇزەگە اسىرۋ ماسەلەلەرىنە ەرەكشە ءمان بەرىلدى.
كايا كاللاس قازاقستاننىڭ ەۋروپا وداعىمەن سەرىكتەستىك جانە ىنتىماقتاستىق جونىندەگى كەلىسىمگە قول قويعان ايماقتاعى العاشقى ەلدەردىڭ ءبىرى ەكەنىن ەرەكشە ايتتى. بۇل ەكىجاقتى قارىم-قاتىناستىڭ دەڭگەيى جوعارى ەكەنىن كورسەتەدى. ونىڭ پىكىرىنشە، ەۋروپالىق كوميسسيا مەن قازاقستان اراسىندا ۆيزا بەرۋ ءتارتىبىن جەڭىلدەتۋ جونىندەگى كەلىسىمدى بەكىتۋ پروسەسى باستالدى.
ال قاسىم-جومارت توقايەۆ قازاقستاندىقتاردىڭ جاڭالىقتى وتە جىلى قابىلداعانىن جەتكىزدى. بۇل قادام ەۋروپالىق ەلدەرمەن جەكە جانە ىسكەرلىك قاتىناستاردى نىعايتۋعا جول اشادى.
توقايەۆ پەن كاللاس حالىقارالىق جانە وڭىرلىك كۇن ءتارتىبىن دە تالقىعا سالدى. وسى ورايدا قازاقستان بارلىق وزەكتى حالىقارالىق ماسەلەلەر مەن قاقتىعىستاردى ديپلوماتيالىق كەلىسسوزدەر ارقىلى شەشۋدى بەرىك ۇستانادى.
سونداي-اق، كەزدەسۋدە "ورتالىق ازيا – ەۋروپا وداعى" فورماتىنداعى ىقپالداستىقتىڭ جاي-كۇيى قارالدى.