كەزدەسۋ قورىتىندىسى بويىنشا قازاقستان مەن پاكىستاننىڭ اۆياسيالىق بيلىگى اراسىندا كەلىسىمگە قول قويىلدى
مەملەكەت باسشىسىنىڭ تاپسىرماسىن ورىنداۋ ءۇشىن ق ر ييدم ازاماتتىق اۆياسيا كوميتەتى ۇشۋ گەوگرافياسىن ودان ءارى كەڭەيتۋ جانە حالىقارالىق رەيستەر سانىن ۇلعايتۋ، سونداي-اق "اشىق اسپان" رەجيمىنىڭ ساياساتىن ىسكە اسىرۋ بويىنشا جۇمىس جۇرگىزۋدە، دەپ حابارلايدى Almaty-akshamy.kz.
بۇگىن يسلاماباد قالاسىندا (پاكىستان) ق ر پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى سەرىك ءجۇمانعاريننىڭ توراعالىعىمەن مەملەكەتتىك ورگاندار مەن ۇيىمداردىڭ قاتىسۋىمەن قازاقستان مەن پاكىستان اراسىنداعى ساۋدا-ەكونوميكالىق، عىلىمي-تەحنيكالىق جانە مادەني ىنتىماقتاستىق جونىندەگى 11ء-شى وتىرىس ءوتتى،
جينالىس شەڭبەرىندە ازاماتتىق اۆياسيا كوميتەتىنىڭ ءتوراعاسى تالعات لاستايەۆ پەن پاكىستاننىڭ ازاماتتىق اۆياسيا باسقارماسىنىڭ باس ديرەكتورى حاكان مۇرتازا مىرزامەن كەزدەسۋى ءوتتى.
كەزدەسۋ قورىتىندىسى بويىنشا قازاقستان مەن پاكىستاننىڭ اۆياسيالىق بيلىگى اراسىندا كەلىسىمگە قول قويىلدى.
قول جەتكىزىلگەن ۋاعدالاستىقتار نەگىزىندە قازاقستاندىق "SCAT" اۆياكومپانياسى 2023 جىلعى ناۋرىزدان باستاپ ۆوەىپg 737 ۇلگىسىندەگى اۋە كەمەلەرىندە الماتى – لاحور (اپتاسىنا 2 رەيس) جانە الماتى – كاراچي (اپتاسىنا 2 رەيس) باعىتتارى بويىنشا تىكەلەي جولاۋشىلار رەيستەرىن اشۋدى جوسپارلاپ وتىر.
قازاقستان مەن پاكىستان اراسىندا اۋە قاتىناسىنىڭ اشىلۋى ەلدەر اراسىنداعى ساۋدا-ەكونوميكالىق، ينۆەستيسيالىق، تۋريستىك جانە مادەني ىنتىماقتاستىقتى دامىتۋدى جەدەلدەتۋگە مۇمكىندىك بەرەدى.