بۇگىن - حالىقارالىق تەاتر كۇنى.
بۇل كۇندى اتالعان ونەر ءتۇرىنىڭ قوعام ومىرىندەگى ماڭىزدىلىعىنا نازار اۋدارۋ ماقساتىندا 1961 جىلى حالىقارالىق تەاتر ينستيتۋتى (International Theatre Institute، ITI) بەكىتتى، دەپ حابارلايدى aqshamnews.kz ورتالىق كوممۋنيكاسيالار قىزمەتىنە سىلتەمە جاساپ.
ءار سپەكتاكلدى قويۋ ءۇشىن اكتەرلەر، رەجيسسەرلەر، جازۋشىلار، كوستيۋمەرلەر، گريمەرلەر، جارىقتاندىرۋشىلار جانە باسقا دا كوپتەگەن تالانتتى ادامدار اتسالىسادى. ولار جارقىن بەينەلەر مەن ۇمىتىلماس وقيعالاردى ساحنالاپ، كورەرمەندەردى كورەرمەندەردى سان سەزىمدەرگە بولەپ، تەرەڭ ويلارعا جەتەلەيدى.
قازاقستاندا 57 مەملەكەتتىك جانە 10 جەكەمەنشىك تەاتر جۇمىس ىستەپ تۇر. وتاندىق ونەر وردالارىندا 9 مىڭعا جۋىق مامان ەڭبەك ەتەدى، ونىڭ 4 مىڭنان استامى – شىعارماشىلىق ۇجىم. بىلتىر قازاقستاننىڭ مەملەكەتتىك تەاترلارى 200-دەن استام جاڭا قويىلىم قويدى، ونىڭ 107ء-سى وتاندىق اۆتورلاردىڭ شىعارمالارىنا نەگىزدەلگەن.