«بۇل باعىتتا مينيسترلىك ءتيىستى جۇمىستى باستاپ كەتتى. نەگىزگى رەسپۋبليكالىق بيۋدجەتتىك كوميسسيانىڭ وتىرىسىندا قارالعان بۇل ماسەلە. وڭ شەشىمىن تاپقان بولاتىن. بۇل جوسپار 2026 جىلدىڭ 1 قاڭتارىنان باستاپ ەنگىزۋدى جوسپارلاپ وتىرمىز. سونىمەن قاتار 2-تولقىن ىشىندە جاتتىقتىرۋشىلاردىڭ ەڭبەكاقىسىن ودان ءارى ارتتىرۋ ماقساتىندا مينيسترلىك ءتيىستى جۇمىستاردى جۇرگىزىپ، جاڭارتىلعان ءبىرىڭعاي سپورتتىق ستاندارتتار بويىنشا باعدارلامالاردى ىسكە اسىرعانى ءۇشىن ورتاشا ەڭبەكاقىسىن شامامەن 30%-عا ارتتىرادى دەگەن سەنىمدەمىز»، – دەدى ۆيسە-مينيستر.
سونداي-اق بۇل جۇمىستى سيفرلاندىرۋ كوزدەلىپ وتىر. ماسەلەن، «دەنە شىنىقتىرۋ جانە سپورتتىڭ (ە-سپورت) سيفرلىق پلاتفورماسىن» ىسكە اسىرۋ شەڭبەرىندە بىلتىر پيلوتتىق رەجيمدە 3 نەگىزگى مودۋل ىسكە قوسىلدى. ونىڭ ىشىندە «سپورتشىلاردىڭ، جاتتىقتىرۋشىلاردىڭ، تورەشىلەر مەن ادىسكەرلەردىڭ پاسپورتتارىنىڭ ءبىرىڭعاي بازاسى»، «سپورتتىق-بۇقارالىق ءىس-شارالاردىڭ «ەلەكتروندىق كۇنتىزبەسى»، «سپورت نىساندارىنىڭ ءبىرىڭعاي ءتىزىلىمى» جوبالارى بار.
ايتا كەتەرلىگى، دەنە شىنىقتىرۋ مەن سپورتتى باسقارۋ جۇيەسىن جەتىلدىرۋدىڭ وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ سپورتشىلارىن دايارلاۋدى جۇزەگە اسىراتىن وڭىرلىك دەنە شىنىقتىرۋ-سپورت ۇيىمدارىن، جوعارى جەتىستىكتەر سپورتىن دامىتۋدى ۋاكىلەتتى ورگاننىڭ قۇزىرەتىنە بەرۋ قاراستىرىلۋدا. سپورت سالاسىنىڭ باسقارۋ جۇيەسىندەگى جاڭاشىلدىقتار مەن كۇردەلى زاڭنامالىق وزگەرىستەر ەلىمىزدىڭ حالىقارالىق ارەناداعى بەدەلىن ودان ءارى نىعايتۋعا تىڭ سەرپىن بەرەدى. قازىرگى تاڭدا ۆەدومستۆو بالالار، جاسوسپىرىمدەر جوعارى سپورت مەكتەبى، سپورت-ينتەرنات مەكتەپتەرى، وليمپياداعا دايارلاۋ ورتالىقتارىن وڭىرلىك دەڭگەيدەن رەسپۋبليكالىق دەڭگەيگە اۋىستىرۋ جۇمىستارىن جۇرگىزىپ جاتىر.