اۋىل شارۋاشىلىعى مينيسترلىگى جەرگىلىكتى اتقارۋشى ورگاندارمەن بىرلەسىپ جەم-شوپ ءوندىرىسىن دامىتۋ بويىنشا جۇمىستى جالعاستىرۋدا.
جەمشوپ داقىلدارى ءۇشىن سۋارمالى جەرلەردىڭ الاڭدارىن كەڭەيتۋ، جەمشوپ داقىلدارىنىڭ تۇقىم شارۋاشىلىعىن دامىتۋ، اۋىل شارۋاشىلىعى تەحنيكاسىن ساتىپ الۋ، جايىلىمدىق جەرلەردىڭ ونىمدىلىگىن ارتتىرۋ جونىندە شارالار قابىلداۋ ماقساتىندا ۆەدومستۆو جەمشوپ ءوندىرىسىن دامىتۋدىڭ جول كارتاسىن وزەكتەندىرۋ بويىنشا جۇمىس جۇرگىزۋدە، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
اعىمداعى جىلى وڭىرلەردىڭ دەرەكتەرى بويىنشا جەمشوپ داقىلدارىنىڭ ەگىستىك القاپتارى 3،2 ملن.گەكتاردان استى، بۇل 2023 جىلمەن سالىستىرعاندا 83،5 مىڭ گەكتارعا ارتىق. بۇل رەتتە ەگىستىككە ورنالاستىرىلاتىن جەمشوپ ۇلەسى شامامەن 14% قۇرادى (2023 جىلى-13%).
24،5 ملن.توننا ءشوپ (ءبىر جارىم جىلدىق – 36،7 ملن. توننا)، پىشەن - 1،7 ملن. توننا، سابان – 4،6 ملن. توننا، كونسكورم – 5،5 ملن. توننا جانە سۇرلەم – 2،0 ملن. توننا دايىنداۋ جوسپارلانعان.
اعىمداعى جىلدىڭ 18 قاراشاداعى جاعدايى بويىنشا 34،9 ملن.توننا كولەمىندە ءشوپ نەمەسە ءبىر جىلدىق جوسپاردان 142،6%، 2 ملن توننا پىشەن نەمەسە جىلدىق جوسپاردان 117،6%، 5،6 ملن توننا قۇراما جەم (102،2%)، 2،3 ملن توننا سۇرلەم (117،9%) جانە 5،1 ملن توننا سابان دايىندالدى (111،9%).
جالپى، قازاقستاندا جەمشوپپەن قامتاماسىز ەتۋ جاعدايى تۇراقتى دەپ بولجانۋدا