ەلىمىزدە تەمپەراتۋرا رەجيمى ساقتالماعانى ءۇشىن كوروناۆيرۋسقا قارسى 4،5 مىڭ ۆاكسينا جارامسىز تانىلدى. بۇل تۋرالى ق ر دەنساۋلىق ساقتاۋ ءبىرىنشى ۆيسە-مينيسترى مارات شورانوۆ ايتتى، دەپ حابارلايدى almaty-akshamy.kz قازاقپاراتقا سىلتەما جاساپ.
ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتى بارىسىندا ءبىرىنشى ۆيسە-مينيستر ەلىمىزدە كوروناۆيرۋسقا قارسى ۆاكسينالاۋ باستالعاننان بەرى ۆاكسينانى ساقتاۋ، تاسىمالداۋ ماسەلەسىنە ۇنەمى مونيتورينگ جۇرگىزىلىپ كەلە جاتقانىن ايتتى.
«سول مونيتورينگكە سايكەس، وسى جىلدىڭ اقپان ايىننان باستاپ 4،5 مىڭ ۆاكسينانىڭ تەمپەراتۋرا رەجيمى ساقتالماعانى انىقتالدى. ەرەجەگە سايكەس، مۇنداي ۆاكسينالار ەسەپتەن شىعارىلۋى كەرەك. بۇل ۆاكسينالاردى ادامدارعا ەگۋگە بولمايدى. سوندىقتان ولار ەسەپتەن شىعارىلدى»، - دەدى مارات شورانوۆ.