كارتوپ 164،5 مىڭ گەكتار القاپتان جينالعان.
ەلىمىزدە 3،2 ملن توننا كارتوپ جينالدى. بۇل تۋرالى بۇگىن ۇكىمەت وتىرىسىندا اۋىل شارۋاشىلىعى ءمينيسترى ەربول قاراشوكەيەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مايلى داقىلداردى جيناۋ 1،4 ملن گەكتار القاپتا نەمەسە ەگىن جيناۋ الاڭىنىڭ 40 پايىزىندا جۇرگىزىلدى. مايلى داقىلداردىڭ جالپى جينالىمى گەكتارىنا 7،3 سەنتنەر ورتاشا تۇسىمدىلىكپەن 1 ملن توننانى قۇرايدى. كارتوپ 164،5 مىڭ گەكتار القاپتان جينالدى نەمەسە جوسپارلانعان الاڭنىڭ - 83،3 پايىزى. جالپى جيناۋ گەكتارىنا 198،2 سەنتنەر تۇسىمدىلىكپەن 3،2 ملن توننانى قۇرادى»، - دەدى ەربول قاراشوكەيەۆ.
ونىڭ دەرەگىنشە، كوكونىس داقىلدارى 149،6 مىڭ گەكتار القاپتان جينالدى نەمەسە جوسپارلانعان الاڭنىڭ 87،7 پايىزىن قۇراپ وتىر. گەكتارىنا 280،5 سەنتنەر تۇسىمدىلىكپەن 4،2 ملن توننا ءونىم الىندى.
«الەۋمەتتىك ماڭىزى بار داقىلداردىڭ بولجامدى جالپى جينالىمى رەسپۋبليكانىڭ ىشكى قاجەتتىلىگىن قامتاماسىز ەتۋگە مۇمكىندىك بەرەدى. وسى جىلدىڭ قولايلى بولۋ ەگىننىڭ ساپاسىنا وڭ اسەر ەتتى»، - دەدى ول.