استىقتىڭ ءتۇسىمى جىلداعىدان 30%-كە جوعارى.
وتكەن جىلى ورتا ەسەپپەن گەكتارىنا 9،8 سەنتنەر ءونىم جينالسا، بيىل 13 سەنتنەردى قۇراپ وتىر، دەپ حابارلايدى Almaty-akshamy.kz
«ەگىن وراعى اياقتالىپ قالدى. نەگىزىنەن بيىل اۋا رايى قولايلى بولدى. ءتۇسىم ورتاشا جىلدىق كورسەتكىشتەن جوعارى بولادى دەپ كۇتىلۋدە. جالپى، 18 ملن توننادان استام استىق جيناۋ جوسپارلانۋدا. ەندىگى مىندەت – ءونىمنىڭ ساپاسىن تومەندەتپەي، دۇرىس ساقتاۋ. سونىمەن قاتار، ىشكى سۇرانىسقا جانە ەكسپورتقا قاجەتتى استىق كولەمىن ناقتى ءبولىپ قويۋ كەرەك. بۇل دا بولسا – ديحاندارىمىزدىڭ تىنىمسىز ەڭبەگىنىڭ جەمىسى. وسى ىسكە اتسالىسقان اۋىل ەڭبەككەرلەرىن مول ءونىم جيناۋىمەن قۇتتىقتاپ، قاجىرلى ەڭبەكتەرى ءۇشىن العىس ايتامىز»، — دەدى ءاليحان سمايىلوۆ.