ەۋروپارلامەنتتە قازاقستان جايلى كورمە اشىلدى
شارانى ەلىمىزدىڭ بەلگياداعى ەلشىلىگى قازاقستان مەن ەۋروپالىق وداق اراسىنداعى ديپلوماتيالىق قاتىناستاردىڭ 30 جىلدىعىن اتاپ ءوتۋ قارساڭىندا ۇيىمداستىرىپ وتىر، دەپ حابارلايدى Almaty-akshamy.kz.
كورمەگە ەلىمىزدىڭ كورىكتى جەرلەرىنىڭ، تانىمال تۇلعالارىنىڭ سۋرەتتەرى مەن ۇلتتىق بۇيىمدار قويىلعان. ديپلوماتتار جينالعاندارعا قازاقتىڭ ءسالت-داستۇر، ادەت-عۇرپى جايلى اڭگىمەلەپ، ۇلتتىق بۇيىمداردىڭ، مۋزىكالىق اسپاپتاردىڭ تاريحىمەن تانىستىردى. ەۋروپالىق وداق وكىلدەرى، ەۋروپارلامەنت دەپۋتاتتارى مەن قالا قوناقتارى قازاقتىڭ باي مادەني مۇراسىن ناسيحاتتايتىن كورمەنى وسى اپتانىڭ سوڭىنا دەيىن تاماشالاي الادى.
«قازاقستان-ەۋروپالىق وداقتىڭ باستى ساۋدا سەرىكتەسى. يادرولىق قارۋدان باس تارتىپ، زاڭنىڭ ۇستەمدىك ەتۋى، دەموكراتيالىق باعىتتا از ۋاقىتتىڭ ىشىندە قىرۋار جۇمىس اتقاردىڭىزدار. ءبىز قازاقستاندى، ەلدەرىڭىزدىڭ جەتىستىكتەرىن ەۋروپارلامەنتتە كوپشىلىككە تانىستىرىپ جاتقانىمىزعا قۋانىشتىمىز»، - دەيدى ەۋروپالىق پارلامەنت دەپۋتاتى گەلمۋت گويكينگ.